AMAGUGU ASELIZWINI LAKAZIMU | LUKASI 8-9
Ngilandela—Khuyini Etlhogekako?
Bona umlimi enze iimforo ezinqophileko angeze avumela ukuphazanyiswa zizinto ezingemva kwakhe. Ngokufanako umKrestu angeze avumele ukuphazanyiswa zizinto zephasi azitjhiye ngemva.—Flp 3:13.
Nasiqalene nobudisi, kulula bona sicabange ukuthi ngesikhathi singakabi boFakazi izinto bezisikhambela ngcono. Nasenza njalo, kanengi siyakhohlwa ngobudisi ebesiqalana nabo sikhulume ngobumnandi bodwa. Ngilokho okwenziwa ma-Israyeli ngemva kokuphuma eGibhide. (Num 11:5, 6) Nasicabanga ngezinto ezinjalo sizokulingeka bona sibuyele epilweni yangaphambilini. Yeke, kuqakathekile ukucabanga ngeembusiso esizithola nje nalezo esizozifumana nasele kubusa umBuso kaZimu!—2Ko 4:16-18.