“Ragelani Phambili Nicabanga Ngezintwezi”

Ngiziphi izinto? UFilipi 4:8 uthi, nanyana ngiziphi izinto eziliqiniso, nanyana ngiziphi izinto eziqakathekileko, nanyana ngiziphi izinto ezilungileko, nanyana ngiziphi izinto ezimsulwa, nanyana ngiziphi izinto ezithandekako, nanyana ngiziphi izinto okukhulunywa kuhle ngazo, nanyana ngiziphi izinto ezihle, nanyana ngiziphi izinto ezifanelwa kudunyiswa. Kuliqiniso, bona amaKrestu akakakateleleki bona akhulume ngeendaba zeBhayibheli kwaphela. Nanyana Kunjalo, izinto esicabanga ngazo kufuze zithabise uJehova. Kufuze singathandi izinto ezizokwenza kube budisi ukuhlala sithembekile kuJehova—IR 19:14.

Kubudisi ukulwisana nemicabango emimbi. Asilwisani nesono kwaphela kodwana sibuye silwisane noSathana, “uzimu wephaseli.” (2Ko 4:4) Ngombana nguye olawula zemikhangiso, izinto ezinengi esizibukela eTV, esizilalela emrhatjhweni, ku-Internet, abomagazini, amaphephandaba namkha iincwadi ezineenthombe ezisilapheleko. Nasingazikhethi kuhle izinto esizibukelako nesizifundako, indlela esicabanga ngayo izokonakala, ngokukhamba kwesikhathi sizoziphatha kumbi.—Jak 1:14, 15.

BUKELA IVIDIYO ETHI, ZILAHLE IZINTO EZONAKALISA UKUTHEMBEKA—ZOKUZITHABISA EZINGAKALUNGI, BESE UPHENDULA IMIBUZO ELANDELAKO:

• 

  Yini umfowethu ebekayibukele efoninakhe, begodu ube yini umphumela?

• 

  UGalatiya 6:7, 8 neRhubo 119:37 zimsize njani umfowethu?