Ukuthuthukisa Amakghonwethu Wokutjhumayela—Zivumelanise Nobujamo

OKWENZA KUQAKATHEKE: Abazesiweko nezinye izimvu bamema yoke imihlobo yabantu ukuthi ‘ithathe amanzi wokuphila ngesihle.’ (sAm 22:17) Amanzi angokomfanekiso la afanekisela woke amalungiselelo kaJehova wokusindisa abantu abalalelako esonweni nekufeni. Bona sisize abantu bamasiko neenkolelo ezingafaniko, kufuze sibatjele ‘iindaba ezimnandi’ ngendlela ezizokuthinta umuntu ngamunye.—sAm 14:6.

INDLELA ESINGAKWENZA NGAYO:

• Khetha indaba nomtlolo ozokuthinta iinhliziyo zabantu abasesiminenu. Ungakhetha ukusebenzisa itjumayelo esibonelo namkha okuthileko owakhe wakusebenzisa kwaphumelela. Ngiziphi iinhloko nemitlolo ongayisebenzisa? Kghani kuneendaba ezenzeke mva nje abantu abanengi abakhuluma ngazo? Khuyini ezokukara abantu bengubo namkha bembaji?

• Lotjhisa ngendlela evamileko endaweni yangekhenu.—2Ko 6:3, 4

• Zazi iincwadi namavidiyo afumaneka emaThulusinethu wokuFundisa bona utjengise othileko othanda ukufunda

• Dawunloda izinto ngamalimi wabantu ohlangana nabo esimini yangekhenu

• Tjhugulula itjumayelwakho bona ivumelane nalokho okutlhogwa mninimuzi. (1Ko 9:19-23) Ngokwesibonelo, bewungathini nange uzwe ukuthi umninimuzi uhlongakalelwe ngothileko mvanje?

BUKELA IVIDIYO BESE UPHENDULA IMIBUZO ELANDELAKO:

• Ngiyiphi indaba umrhuweleli athome ukucoca ngayo nomninimuzi?

• Umninimuzi bekaqalene nabuphi ubujamo?

• Ngimuphi umtlolo ebewufaneleka ebujamwenobu, begodu kubayini?

• Ungayitjhugulula njani itjumayelwakho bona ivumelane nobujamo babantu besimini yangekhenu?