Kghani Unganikela Ngesikhathi Nangamandlakho?

Njengombana u-Isaya aphorofida, ihlangano kaJehova ikhula ngendlela erarako. (Isa 54:2) Ngebanga lalokho sitlhoga amaWolo womBuso amatjha, amaWolo womHlangano nezakhiwo zegatja. Ngemva kokuthi seyakhiwe, imakhiwo le kufuze itlhogonyelwe ngokukhamba kwesikhathi eminye itlhoga ukuvuselelwa. Lokhu kusivulela maphi amathuba, wokunikela kuJehova ngesikhathi nangamandlethu?

• Singasiza lokha isiqhema sethu nasabelwe ukuhlwengisa iWolo lomBuso

• Singazenza sifumaneke lokha nakunebandulo lokutlhogonyelwa kweWolo lomBuso

• Singazalisa iforomo le-Local Design/Construction Volunteer Application (DC-50) bona sisize nakwakhiwako nalokha nakulungiswa izakhiwo eziseduze nalapho sihlala khona

• Singazalisa iforomo le-Volunteer Program (A-19) bona sisize iveke namkha isikhatjhana egatjeni langekhethu namkha kwelinye igatja

BUKELA ISIQETJHANA SEVIDIYO ETHI, KUHLELWE UMSEBENZI OMUTJHA WOKWAKHA, BESE UPHENDULA IMIBUZO ELANDELAKO:

• Kusukela ngo-2014, indlela yokusetjenziswa kwamavidiyo ithuthuke njani?

• Bona sikhambisane netlhogeko yokukhiqizwa kwamavidiyo, ngimuphi umsebenzi ohleliweko begodu uzokuthatha isikhathi esingangani?

• Iinsebenzi zokuzithandela zingasiza njani ngomsebenzi lo?

• Nangabe sifuna ukusiza eRamapo, kubayini kufuze sizalise iforomo le-DC-50 begodu sisize ku-Local Design/Construction projects eseduze nalapho sihlala khona?

• Ngibuphi ubufakazi obutjengisa ukuthi nguJehova onqophisa umsebenzi lo?

• Singawusekela njani umsebenzi wokwakha?