Kghani Ungathanda Ukufaka Isibawo Sokuya EsiKolweni SabaTjhumayeli BeVangeli LomBuso?

Inga-kghani uneminyaka ema-23 ukuya kwema-65 begodu usekonzweni yesikhathi esizeleko? Uphile kuhle begodu ungakghona ukutjhumayela nanyana kukuphi la kunetlhogeko yabatjhumayeli? Nangabe uphendule ngo-iye emibuzweni le, khewakucabangela ukufaka isibawo sokuya EsiKolweni sabaTjhumayeli beVangeli lomBuso? Kusukela eklasini lokuthoma, iinkulungwana zabatjhadikazi, abafowethu nabodadwethu abangakatjhadi bafaka iimbawo. Nanyana kunjalo, sitlhoga abafowethu abanengi abangakatjhadi bona bafake iimbawo. Bawa uJehova akusize ukhulise isifiso sakho sokumthabisa nesokulingisa iNdodanakhe. (IR 40:8; Mat 20:28; Heb 10:7) Ngemva kwalokho, cabangela iindlela ongenza ngayo ipilwakho ibelula bona ukghone ukufaneleka.

Ngimaphi amathuba avulekele abantu ababuya esikolwenesi? Abanye babelwa ukuyokutjhumayela eendaweni ezikhuluma amanye amalimi namkha ukuhlanganyela ejimeni elikhethekileko lokutjhumayela ngeenkarana. Ngokukhamba kwesikhathi, abanye babelwa bona babebajikelezi nofana bajikeleze isikhatjhana namkha babe ziinthunywa zevangeli. Njengombana ucabanga ngokuthi ungamsebenzela njani uJehova, kwangathi ungaba njengomphorofidi u-Isaya owathi: “Mina ngikhona, thuma mina!”—Isa 6:8.

BUKELA IVIDIYO ETHI, IINTHUNYWA ZEVANGELI—IINSEBENZI EKUVUNENI BESE UPHENDULA IMIBUZO ELANDELAKO:

• 

  Iinthunywa zevangeli zikhethwa njani?

• 

  Ngimuphi umsebenzi omuhle owenziwa ziinthunywa zevangeli?

• 

  Ngiziphi iimbusiso ezifunyanwa ziinthunywa zevangeli?