Babelethi, Fundisani Abantwana Benu Ngalokho Ekufuze Bakwazi

Siphila ephasini elinabantu abathi okuhle kumbi nokumbi kuhle. (Isa 5:20) Ngokudanisako, abanye abantu benza izinto uJehova azihloyileko, okuhlanganisa ukuziphatha okumbi kwabantu bobulili obufanako. Abangani esikolweni namkha abanye abantu bangalinga ukwenza abantwana bethu bona balingise izinto abazenzako. Ungabalungiselela njani abantwana bakho bona baqalane neenlingwezi ngokuphumelelako?

Fundisa abantwana bakho ngeenkambiso zakaJehova. (Lev 18:3) Kancanikancani bafundise lokho okutjhiwo liBhayibheli ngezomseme. Ozobatjela khona kuzokuya ngokuthi bangangani ngeminyaka nokuthi kungangani abangakghona ukukuzwisisa. (Dut 6:7) Zibuze: ‘Kghani ngiyabafundisa abantwana bami ngeendaba zokuthandana, ukuqakatheka kokumbatha ngokuhloniphekileko, nokuthi abanye abantu babahloniphe? Kghani abantwana bami bayazi ukuthi kufuze benzeni nange omunye alinga ukubatjengisa iinthombe zomseme namkha benze izinto uJehova azihloyako?’ Ukuba nelwazi kusesengaphambili kungabasiza bona babalekele ingozi. (IzA 27:12; Mtj 7:12) Ngokufundisa abantwana bakho utjengisa uJehova ukuthi uyalithabela ilifa eliligugu akuphe lona.—IR 127:3.

BUKELA IVIDIYO ETHI, ZAKHELE INDLU EZOKUNYAMEZELA—VIKELA ABANTWANA BAKHO ‘EKOHLAKALWENI’ BESE UPHENDULA IMIBUZO ELANDELAKO:

• 

  Kubayini abanye bariyada ukufundisa abantwababo ngezomseme?

• 

  Kubayini ababelethi kufuze babandule abantwababo “ngesiyalo nangesinqophiso sakaJehova?”—Efe 6:4

• 

  Khuyini ihlangano kaJehova eyenzileko bona isize ababelethi bafundise abantwababo ngezomseme?—w19.05 12, ibhoksi

• Kubayini kufuze ukhulume qobe nabantwana bakho ngaphambi kokuthi bangene emrarweni?