IPILO YAMAKRESTU
Imihlangano Yaqobe Mnyaka—Amathuba Wokutjengisa Ithando
Kubayini siyithabela kangaka imihlanganwethu yaqobe mnyaka? Njengama-Israyeli wekadeni, imihlangano namhlanjesi isinikela ithuba lokulotjha uJehova namakhulu neenkulungwana zabafowethu nabodadwethu. Silithabela khulu ilwazi esilifumanako elisisiza bona sibe bangani bakaJehova. Sithabela nesikhathi esiba naso nabangani nomndeni. Sitjengisa ukuthi siyalithokoza ilungiselelweli ngokuba khona emhlanganweni lo amalanga amathathu.
Nasifumana ithubeli lokuhlangana ndawonye, kufuze singazicabangeli thina kwaphela kodwana sicabange nangokuthi singabasiza njani abanye. (Gal 6:10; Heb 10:24, 25) Ngokuvulela umfowethu namkha udadwethu umnyango nangokubeka indawo yokuhlala esizoyisebenzisa kwaphela, nasenza njalo sitjengisa ukuthi siyabacabangela abanye. (Flp 2:3, 4) Imihlangano isinikela ithuba elihle lokwenza abangani. Ngaphambi kokuthi umhlangano uthome nalokha nawuphelako nangesikhathi sokudla singakhuluma nomuntu esingamaziko. (2Ko 6:13) Abangani esibafumana ngeenkhathezi bangahlala unomphela! Ngaphezu kwalokho, abantu abangasibofakazi nababona indlela esithandana ngayo bangakhetha ukulotjha uJehova kunye nathi.—Jwa 13:35.
BUKELA IVIDIYO ETHI, “ITHANDO NGEZE LAPHELA”! IMIHLANGANO YEENTJHABATJHABA, BESE UPHENDULA IMIBUZO ELANDELAKO:
Abafowethu bazitjengise njani iinkhambeli zomhlangano wentjhabantjhaba wango-2019 ukuthi bayazithanda?
Kubayini ukuthandana nobunye ebantwini bakaJehova kuqakathekile?
Ngimaphi amaphuzu akhulunywa malunga wesiHlopha esiBusako akhuluma ngethando?
Khuyini ongayenza emhlanganweni ukutjengisa bona uyabathanda abafowethu?
Ithando lobuKrestu labasiza njani abafowethu beJarimani nebe-South Korea?
Kufuze sizimisele ukwenzani?