Yenza Imifanekiso Ukuveza Amaphuzu Aqakathekileko

Lokha nasibuyela ebantwini esicoce nabo namkha siraga isifundo seBhayibheli, kufuze sibasize bazwisise amaphuzu aqakathekileko. Nasenza imifanekiso bona siveze amaphuzu aqakathekileko singathinta iinhliziyo zabo sibenze bafumane iphuzu bulula begodu bangalikhohlwa.

Nawulungiselela isifundo seBhayibheli namkha ubuyela emntwini, khetha amaphuzu aqakathekileko ofuna ukwenza ngawo umfanekiso. Ngemva kwalokho khetha umfanekiso olula okhuluma ngezinto abantu abazijayeleko. (Mat 5:14-16; Mar 2:21; Luk 14:7-11) Nawuzokwenza umfanekiso kufuze uqale ukuthi abantu ozokukhuluma nabo bangangani ngeminyaka, banjani begodu bakhulelephi. (Luk 5:2-11; Jwa 4:7-15) Kuzokuthabisa khulu ukubabona bazwisisa iphuzu eliqakathekileko.

BUKELA IVIDIYO ETHI, FUMANA ITHABO NGOKWENZA ABAFUNDI—THUTHUKISA AMAKGHONWAKHO—YENZA IMIFANEKISO UKUVEZA AMAPHUZU AQAKATHEKILEKO, BESE UPHENDULA IMIBUZO ELANDELAKO:

• 

  Kubayini abantu esifunda nabo iBhayibheli batlhoga isizo lethu bona bazwisise imitlolo?

• 

  UNitha ulifanekise njani iqiniso elikumaRoma 5:12?

• 

  Imifanekiso emihle ingaba namiphi imiphumela ebantwini esifunda nabo iBhayibheli?

• Nasitjhumayelako kubayini kufuze sisebenzise amavidiyo namanye amathulusi wokufundisa esiwanikelwe yihlangano kaJehova?