OZOKUSEBENZISA ESIMINI | YIBA NETHABO ELINGEZIWEKO NGOKWENZA ABAFUNDI
Fundisa Obafundela IBhayibheli Bazondle NgeliZwi LakaZimu
Bona sibasize bazi uJehova begodu babe maKrestu avuthiweko, esibafundela iBhayibheli kufuze bafunde okungaphezu kwamaqiniso esibafundisa wona. (Mat 5:3; Heb 5:12–6:2) Kufuze bafunde nokuzondla ngeliZwi lakaZimu.
Kusukela ekuthomeni, tjengisa obafundelako bona bangasilungiselela njani isifundo sabo seBhayibheli begodu ubakhuthaze bona benze njalo. (mwb18.03 6) Bakhuthaze bona bathandaze ngaphambi kokuthi bathome isifundo sabo somuntu mathupha. Basize bakghone ukungena begodu basebenzise izinto zetheknoloji nabafundako. Hlathulula bona bangazifumana njani izinto ezitja ku-jw.org naku-JW Broadcasting®. Bafundise kancanikancani ukufunda iBhayibheli qobe langa, ukulungiselela imihlangano yebandla nokuzenzela irhubhululo ngemibuzo abatlhoga iimpendulo zayo. Basize bacabangisise ngalokho abakufundako.
BUKELA IVIDIYO ETHI, SIZA ABANTU OFUNDA NABO IBHAYIBHELI BAZONDLE NGELIZWI LAKAZIMU, BESE UPHENDULA IMIBUZO ELANDELAKO:
UNitha umsize njani uThandi wabona ukuthi ukufunda kungaphezu kokwazi iimpendulo?
Khuyini esize uThandi waqiniseka ukuthi uJehova ulungile ngokwalela ukuziphatha kumbi ngokwamabhayi?
Fundisa obafundelako bona bangalifumana njani ilwazi eliqakathekileko nokuthi bangalisebenzisa njani ekuphileni kwabo
Khuyini uThandi ayilemukile ngokucabangisisa?