Bantu Abatjha​—Khulumisanani Nababelethi Benu

Kubayini kufuze ulinge ukukhuluma ngokutjhaphulukileko nababelethi bakho ngezinto ozicabangako? (IzA 23:26) UJehova ubanikele ilungelo lokuthi bakutlhogomele bebakunqophise. (IR 127:3, 4) Kuzokuba budisi ukuthi bakusize nangabe ubafihlela lokho okukutshwenyako begodu uzokuphundwa lithuba lokuzwa lokho abaqalana nakho ekuphileni kwabo. Kghani kumbi ukuthi ezinye izinto ungakhulumi ngazo? Awa akusikumbi​—kodwana nangabe awubakhohlisi.​—IzA 3:32.

Ungakhuluma njani nababelethi bakho? Linga ukukhetha isikhathi esilungele wena nababelethi bakho. Nangabe lokho kusitjhijilo, ungatlolela munye wabo incwadi umtjele ngamazizwakho. Kuthiwani nange bafuna ukukhuluma ngendaba ongathandi ukukhuluma ngayo? Khumbula ukuthi bafuna ukukusiza. Qala ababelethi bakho njengabangani bakho ingasi amanabakho. Umzamo owenzako ukuthi ukhulumisane nababelethi bakho ngokutjhaphulukileko uzokuzuzisa ukuphila kwakho koke​—nokuphila okungapheliko!​—IzA 4:10-12.

BUKELA IVIDIYO ETHI, UBUTJHA BAMI—NGINGAKHULUMISANA NJANI NABABELETHI BAMI? BESE UPHENDULA IMIBUZO ELANDELAKO:

• 

  U-Esther noPartik balemuka ukuthi bebababantu abanjani?

• 

  Khuyini ongayifunda esibonelweni sakaJesu?

• 

  Ababelethi bakho bakutjengise njani ukuthi banendaba nawe?

• 

  Ngiziphi iinkambisolawulo zeBhayibheli ezingakusiza ukuthi ukhulume nababelethi bakho?