Iimfundo Esingazifunda Ngokuphila KwakaSamyela

USamyela wahlala athembekile kuJehova ukuphila kwakhe koke. Lokha nakasesemsanyana, akhenge avume ukukhohlakala njengamadodana ka-Eli, uHofni noFinehasi. (1Sa 2:22-26) USamyela waragela phambili akhula begodu uJehova wahlala anaye. (1Sa 3:19) Nalokha sele akhulile waragela phambili alotjha uJehova ngokuthembeka nanyana amadodanakhe angakhenge enze njalo.​—1Sa 8:1-5.

Khuyini esingayifunda esibonelweni sakaSamyela? Nawumumuntu omutjha, qiniseka ukuthi uJehova uyazizwisisa iintjhijilo oqalana nazo nendlela ozizwa ngayo. Angakusiza ube nesibindi. (Isa 41:10, 13) Nangabe umbelethi onomntwana otjhiye uJehova, fumana induduzo ngokwazi ukuthi uSamyela akhange akatelele amadodanakhe esele akhulile ukuthi ahlale athembekile eenkambisweni zakaJehova. Watjhiyela koke ezandleni zakaJehova, waragela phambili ahlala athembekile athabisa uBabakhe wezulwini. Kungenzeka isibonelo sakho esihle senze umntwanakho abuyele kuJehova.

BUKELA IVIDIYO ETHI, FUNDA EEMBONELWENI ZABO—USAMYELA BESE UPHENDULA IMIBUZO ELANDELAKO:

• 

  USamyela wasitjengisa njani isibindi nakasesemsanyana?

• 

  U-Danny wasitjengisa njani isibindi?

• 

  Lokha uSamyela nasele akhulile wasibeka njani isibonelo esihle?

• 

  Ababelethi baka-Danny basibeka njani isibonelo esihle?