Zilungiselele Ubujamo Oburhabako Bezepilo Kusese Nje

Kubayini kufuze uzilungiselele? Ubujamo oburhabako bezepilo nokulaliswa esibhedlela kungenzeka nanyana kunini. Yeke, zilungiselele nje ngaphambi kokuthi kube nobujamo oburhabako bona ufumane isizo eliphuma phambili nakungenzeka kuvele ubujamo oburhabako. Nawenza njalo, utjengisa ukuthi uyayihlonipha ipilo nomthetho kaJehova omayelana neengazi.​—IzE 15:28, 29.

Ungenzani bona uzilungiselele?

• Thandaza bewuzalise ikarada elithi, durable power of attorney (DPA).a Abarhuweleli ababhajadisiweko bangazifumanela ikarada le-DPA nelabantwana babo i-Identity Card (ic) kumfowethu osebenza ngeencwadi

• Nange uzithwele, bawa abadala bebandla bakuphe ikhophi ye-Information for ­Expectant Mothers (S-401). Izokusiza wenze iinqunto ezihlakaniphileko mayelana nemiraro yezepilo engavela nawuzithweleko nalokha nawuyokubeletha

• Nange ukulatjhwa kwakho kuzokuhlanganisa ukusetjenziswa kweengazi namkha kuzokufuze uhlale isikhathi eside esibhedlela, kufuze wazise abadala bebandla kusese nesikhathi begodu wazise nesibhedlela ukuthi uzokuvakatjhelwa boFakazi bakaJehova

Abadala bangasiza njani? Bangakusiza uzalise ikarada lakho le-DPA.Nanyana kunjalo, abadala angeze bakwenzele iinqunto zokwelatjhwa namkha baveze amazizwabo endabeni umuntu ekufuze azenzele isiqunto kiyo. (Rom 14:12; Gal 6:5) Nawazisa abadala bebandleni okilo ngobujamo bezokwelapha obungafaka hlangana iingazi, ngokurhabako bazokuthintana neKomidi Ebonisana Neembhedlela (HLC) bayazise ngobujamo bakho.

I-HLC ingakusiza njani? Abafowethu abasebenza ku-HLC babanduliwe bona basize abasebenza ngezokwelapha nabasebenza ngomthetho bazwisise ubujamo bethu ekulatjhweni ngeengazi. Bangakhulumisana nabodorhodere bakho ngeendlela zokwelapha ezikhona ezingahlanganisi ukufakelwa iingazi. Nakukghonakalako bangakufumanela udorhodere ohlonipha iinqunto zakho.

BUKELA IVIDIYO ETHI, UNGAZENZA NJANI IINQUNTO EZIHLAKANIPHILEKO MALUNGANA NOKULATJHWA NGEENGAZI?, BESE UPHENDULA IMIBUZO ELANDELAKO:

• Ufundeni evidiyweni le, engakusiza ulungele ubujamo oburhabako obufaka hlangana iingazi?

  textarea-1