IPILO YAMAKRESTU
UJehova Usisiza Sikghodlhelele Nasiqalene Neentjhijilo
Emihleni yokuphela le, siqalana neentjhijilo ezinengi ezibudisi. Ngezinye iinkhathi, singezwa ngasuthi kubudisi khulu ukukghodlhelelela iintjhijilo. Nanyana kunjalo, nasiragela phambili sitjhidela kuJehova, uzosisiza sikghodlhelele nalokha siqalene nobujamo obuzwisa ubuhlungu. (Isa 43:2, 4) Singatjhidela njani kuJehova nasiqalene neentjhijilo?
Umthandazo. Nasitjela uJehova lokho okusitshwenyako, usipha ukuthula komkhumbulo namandla esiwatlhogako bona sikghodlhelele.—Flp 4:6, 7; 1Te 5:17.
Imihlangano. Kunanini ngaphambilini, sitlhoga ifundo evela kuJehova nokuzihlanganisa nabantu bakhe. (Heb 10:24, 25) Nasilungiselelelako, sibe khona esifundweni, besiphendule emihlanganweni yebandla, sizuza ngokupheleleko emmoyeni ocwengileko kaJehova.—sAm 2:29.
Ukutjhumayela. Sizokufumana kulula ukudzimelela ezintweni ezakhako nasenza koke esingakwenza bona sibe majadu ekutjhumayeleni. Sizokuqinisa nobungani esinabo nezinye iinsebenzi kuhlanganise noJehova.—1Ko 3:5-10.
BUKELA IVIDIYO ETHI, UJEHOVA UZOKWAMUKELA, BESE UPHENDULA IMIBUZO ELANDELAKO:
Khuyini eyasiza uMalu bona ahlale atjhidelene noJehova nakaqalene neentjhijilo?
NjengoMalu, amezwi afumaneka kumaRhubo 34:18 asiduduza njani nasiqalene neentjhijilo?
Lokho uMalu aqalana nakho kusinikela njani “amandla angaphezu kajayelekileko” nasiqalene neentjhijilo?—2Ko 4:7