Uyalilalela Na IBhayibheli Elirikhodiweko?

Liyini iBhayibheli elilalelwako? IBhayibheli elalelwako liBhayibheli imiTlolo eCwengilelo erikhodiweko. Itjhatjhululwa kancanikancani ngamalimi amanengi ngendlela ekungakghoneka ngayo. Enye into ethabisako ngeBhayibheli elilalelwako kukuthi lisebenzisa amaphimbo ahlukileko emntwini ngamunye ekukhulunywa ngaye eBhayibhelini. Amagama agandelelwe ngendlela efaneleko begodu adlulisela imizwa ngendlela efaneleko.

Abanye bazuza njani ngokulalela iBhayibheli elirekhodiweko? Abanengi abalalela iBhayibheli elirekhodiweko qobe bathanda indlela iliZwi lakaZimu eliphila ngayo. Bacabanga ukuthi ukuzwa iphimbo elihlukileko lomuntu ekukhulunywa ngaye eBhayibhelini lokho kubasiza ukuthi babone ngcono izenzakalo ekukhulunywa ngazo eBhayibhelini begodu bazwisise kuhle lokho okutloliweko. (IzA 4:5) Abanengi bathi ukulalela iBhayibheli elirekhodiweko kubasiza behlise ummoya nabagandelelekileko.—IR 94:19.

Ukuzwa iliZwi lakaZimu lifundelwa phezulu kungaba nomthelela omuhle ekuphileni kwethu. (2Kr 34:19-21) Nangabe iBhayibheli elilalelwako liyafumaneka liphelele namkha liyingcenye ngelimi olizwisisako, kghani ungakghona ukulilalela qobe?

BUKELA IVIDIYO ETHI UKURIKHODWA KEBHAYIBHELI—ISIQETJHANA, BESE UPHENDULA UMBUZO OLANDELAKO:

Khuyini ekuthabisako ngokurikhodwa kweBhayibheli?