IPILO YAMAKRESTU
UJehova Uyabasindisa Labo Abaphohlozekileko Emmoyeni
Soke siyadana ngezinye iinkhathi. Ukudana akutjho ukuthi awunakukholwa. Ngitjho noJehova khewatjho ukuthi udanile ngezinye iinkhathi. (Gen 6:5, 6) Kodwana kuthiwani nangabe sihlala sidanile namkha lokho kwenzeka kanengi?
Bawa uJehova ukuthi akusize. UJehova unendaba nokuthi sizizwa njani. Uyasibona nasithabileko nalokha nasidanileko. Uyazwisisa ukuthi kubayini sicabanga begodu sizizwa ngendlela esizizwa ngayo. (IR 7:9b) Okuqakatheke khulu kukuthi uJehova unendaba nathi begodu angasisiza siqalane nokudana namkha nokugandeleleka komkhumbulo.—IR 34:18.
Vikela umkhumbulwakho. Ukuphelelwa mamandla akuqedi ithabo lethu kwaphela kodwana kuthinta nobuhlobo bethu noJehova. Kungebangelo, kuqakathekile ukuthi sitjheje iinhliziyo zethu.—IzA 4:23.
BUKELA IVIDIYO ETHI, INDLELA ABAFOWETHU ABATHABELA NGAYO UKUTHULA NANYANA BAQALANA NOKUGANDELELEKA KOMKHUMBULO, BESE UPHENDULA IMIBUZO ELANDELAKO:
Ngiziphi izinto u-Nikki azenzako bona aqalane nokugandeleleka komkhumbulo?
Kubayini u-Nikki abona kungcono ukuyokufuna isizo labodorhodere?—Mat 9:12
U-Nikki wathembela njani kuJehova bona amsize?