Ukuthandaza Kungakusiza Njani?
UPamela bekagula aphethwe yikankere, yeke wakhamba wayokufuna isizo labodorhodera. Nanyana kunjalo, wathandaza kuZimu wambawa amandla wokukghodlhelela ubujamo bakhe. Kghani ukuthandaza kwamsiza?
UPamela uthi: “Phakathi nokulatjhwa kwami, kanengi bengizizwa ngithukiwe. Kodwana nangithandaza kuJehova bengiba nokuthula begodu bengikghona ukucabanga kuhle ngingathukwa. Ngisabuzwa ubuhlungu, kodwana ukuthandaza kungenza ngihlale ngithabile. Abantu nabangibuza ukuthi ngizizwa njani ngibatjela ukuthi ‘Ngizwa ubuhlungu, kodwana ngithabile!’”
Kuliqiniso ukuthi akukafuzi silindele bona siphathwe bulwele obumbi ngaphambi kobana sithandaze. Soke siyaqalana neentjhijilo kungaba ngezikulu nofana ezincani begodu soke sitlhoga isizo bona siqalane nazo. Kghani umthandazo ungasisiza?
IBhayibheli lithi: “Phosa umthwalwakho kuSomnini, yena uzakusekela, angekhe avumela olungileko asikinywe.” (IRhubo 55:23) Qala ukuthi amezwi la aduduza kangangani! Yeke ukuthandaza kungakusiza njani? Nawuthandaza ngendlela efaneleko kuZimu uzokunikela amandla owatlhogako wokuqalana neentjhijilo.—Qala ibhoksi elithi, “Khuyini Ozoyifumana Nawuthandazako.”