Funda Eenthombeni

Iincwadi zethu zineenthombe ezinengi ezisisiza sifunde iimfundo eziqakathekileko. Ungazuza njani ngokusebenzisa iinthombe?

• Qala iinthombe ngaphambi kokufunda isihloko. Iinthombe zingakwenza ufune ukwazi okungeziweko begodu zingakwenza ufunde isihloko soke. Nawubona ukudla okumnandi esikotlelweni, ungakhanukela ukukudla. Ngokufanako, ungakhanuka ukufunda isihloko ngokuqala iinthombe qangi. Ngaphambi kokufunda isihloko zibuze, ‘kuneenthombe engizibonako?’—Amo. 7:​7, 8.

• Njengombana ufunda isihloko, zibuze ukuthi kubayini kukhethwe iinthombezo. Funda ihlathululo yeenthombe nange ikhona. Cabanga ukuthi isithombe sihlobana njani nesihloko ekucocwa ngaso nokuthi ungakusebenzisa njani okubona esithombeni ekuphileni kwakho.

• Nawuqeda ukufunda, sebenzisa iinthombezo bona ubuyekeze amaphuzu ayihloko wesihloko. Vala amehlwakho ulinge ukukhumbula iinthombe nokuthi ufundeni kizo.

• Kubayini ungabuyekezi iinthombe eziku magazini lo, ubone nokuthi usakhumbula ukuthi ufundeni kizo?