Ukudumuzana Eenkolweni—Lithini IBhayibheli?

NgoMeyi 24, 2022, kwenzeka isehlakalo esimbi khulu edorobheni elincani le-Uvalde, e-Texas, e-U.S.A. Ngokwe-The New York Times, “indoda ephethe isigidi yabulala abantwana abali-19 nabotitjhere ababili . . . esikolweni samabanga aphasi i-Robb Elementary School.”

Ngokudanisako, izehlakalo ezithusakwezi sezenzeka khulu. I-USA Today ibike ukuthi e-United States kwaphela, “kube nokudumazana okuma-249 ngaphakathi kweenkolo emnyakeni odlulileko, ukudlula eminye iminyaka solo kwango-1970.”

Kubayini kwenzeka izehlakalo ezibuhlungwezi? Singaqalana njani nezenzo zelunyezi? Kghani likhona ithemba lokuthi inturhu izakhe iphele? IBhayibheli ineempendulo.

Kubayini iphasi lizala inturhu?

•  IBhayibheli ihlathulula isikhathi esiphila kiso ngokuthi ‘mimihla yokuphela’ lapho abantu abanengi ‘banganalo ithando lemvelo’ begodu ‘banelaka,’ benza izinto ezimbi nezinenturhu . Abenza izintwezi “bazokuthuwelela basuka kokumbi baye kokumbi khulu.” (2 Thimothi 3:1-5, 13) Bona ufunde okungeziweko, funda isihloko esithi, “Did the Bible Predict the Way People Think and Act Today?”

Abantu abanengi bayazibuza ukuthi, ‘Kubayini uZimu angavimbeli izinto ezimbi bona zingenzeki njengokudumuzana eenkolweni?’ Bona ufumane ipendulo yeBhayibheli, funda isihloko esithi, “Izinto Ezimbi Zenzeka Kubantu Abalungile—Kungani?”

Singaqalana njani nezenzo zelunya?

•  ‘Ngombana zoke izinto ezatlolwa ngaphambilini zatlolelwa bona zisifundise, ukuze . . . ngenduduzo evela emiTlolweni sibe nethemba.’—Roma 15:4.

Iinkambisolawulo zeBhayibheli zingakusiza uqalane nephasi elinenturhweli. Qala umagazini i-Phaphama! onesihloko esithi, “Ingabe Ubudlova Buyoke Buphele?” bona ufumane okungeziweko.

Bona ufumane lokho ababelethi abangakwenza ukusiza abantwababo baqalane neendaba ezithusako, funda isihloko esithi, “Imibiko Yezindaba Ethusayo Nezingane Zakho.”

Kghani inturhu izakhe iphele?

•  “Ekugandelelweni nenturhwini uyabahlenga.”—IRhubo 72:14.

•  “Zizakuthatha iinsabula zazo zenze ngazo amalembe wokulima; zithathe nemikhonto yazo zenze imikhwa yokuqopha imithi. Izizwe angeze zisaphakamiselana iinkhali, namkha zizibandulele ipi.”—Mikha 4:3.

UZimu uzokwenza lokho abantu engekhe bakghona ukukwenza. UmBuswakhe wezulwini uzokutjhabalalisa zoke iinkhali nayo yoke inturhu. Bona ufunde okungeziweko ngalokho okuzokwenziwa mBuso kaZimu, funda isihloko esithi, “Lapho Sekubusa UMbuso KaNkulunkulu, ‘Kuyochichima Ukuthula.’”