• “Lapho Uya Khona Ngizokuya Khona”
    Lingisa Ikholo Labo

    • 23. URude wathoma ukucabanga ngani, begodu ngiliphi ilungiselelo umThetho kaMosisi ebewulenzele abatlhagako? (Qala umtlolo waphasi.)

      23 Njengombana abafazi ababilaba banzinza eBetlehema, uRude wacabanga bona kungaba kuhle ukuzitlhogomela nokutlhogomela uNawomi. Wezwa bona umThetho uJehova awunikele abantu bakhe u-Israyeli ubandakanya ilungiselelo lethando ngabatlhagako. Bebavunyelwe ukuya emasimini ngesikhathi sokuvuna balandele abavuni, baburukuje okuseleko namakhakhazela ebekasemaqintelweni wesimu.b—Lef. 19:9, 10; Dut. 24:19-21.

      24, 25. URude wenzani nekalinga ukusebenza emasimini kaBhowazi, begodu bewunjani umsebenzi wokuburukuja?

      24 Bekusikhathi sokuvunwa kokusanthoro, okungaba ngo-Apreli ngokwekhalenda yethu, uRude waya esimini ukuyokuqala bona ngubani ongamvumela asebenze ngaphasi kwelungiselelo lababurukuji. Walinga esimini yendoda ebizwa bona nguBhowazi, indoda enjingileko enenarha ekulu nesihlobo sendoda kaNawomi, u-Elimeleki. Nanyana umThetho bewumvumela ukuburukuja, akazange akuthathele phasi lokho; wabawa isokana ebeliphethe abavuni imvumo yokusebenza lapho. Lamvumela, begodu uRude wathoma khonokho.—Rude 1:22–2:3, 7.

  • “Lapho Uya Khona Ngizokuya Khona”
    Lingisa Ikholo Labo

    • b Bekumthetho omuhle khulu, ngokuqinisekileko obewungekho enarheni uRude abelethelwa kiyo. EPumalanga Eseduze ngeenkhathezo, abahlolokazi bebaphathwa kumbi. Enye incwadi yathi: “Ngemva kokufa kwendodakwakhe, kanengi umhlolokazi kufuze ondliwe madodanakhe; nengabe akanawo, kufuze azithengisele ebugqilini, athengise ngedini namtjhana afe.”