ISIFUNDO 1

Isingeniso Esiphumelelako

IzEnzo 17:22

ISIRHUNYEZO: Isingeniso sakho kufuze sivuse ikareko, siveze isihloko sakho, besitjengise nokuthi kubayini abakulaleleko kufuze babe nekareko kiso.

INDLELA ONGAKWENZA NGAYO:

Vusa ikareko. Khetha umbuzo, amezwi, isehlakalo samambala esenzekileko namkha indaba ese- matheni ezokwenza abakulaleleko babe nekareko kiyo.

Cabangisisa kuhle kusesengaphambili ngezinto abazithandako nezibatshwenyako begodu wethule isingeniso sakho ngendlela ezokuvumelana nobujamo babo.
Veza isihloko sakho. Qinisekisa ukuthi isingeniso sakho sikhanyisa isihloko neminqopho yesihlokweso ebantwini abakulaleleko.
Tjengisa ukuthi kubayini isihloko siqakathekile. Lokho okutjhoko kufuze kuvumelane neentlhogo zabantu abakulaleleko. Kufuze bazwisise kuhle bona isihlokweso singabasiza njani mathupha.

Nawulungiselela ikulumo, kufuze uzibuze ukuthi, ‘Ebandleni lami, abanakwethu nabodadwethu baqalene nabuphi ubujamo?’ Ngemva kwalokho, hlela isinge- niso sakho bona sikhambisane neentlhogo zabo.