ISIFUNDO 6

Hlathulula Ngokuzwakalako Bona Kubayini Usebenzisa UmTlolo

Jwanisi 10:33-36

ISIRHUNYEZO: Akukaneli ukufunda umtlolo bese ngemva kwalokho udlulele ephuzwini elilandelako. Qiniseka bona abakulaleleko bayakubona ukuhlobana okukhona phakathi komtlolo owufundako nephuzu olivezako.

INDLELA ONGAKWENZA NGAYO:

Khanyisa amagama aqakathekileko. Ngemva kokufunda umtlolo, gandelela amagama ahlobana ngokunqophileko nephuzu lakho eliyihloko. Lokhu ungakwenza ngokubuyelela amagama lawo namkha ngokubuza umbuzo owenza abakulaleleko bona bafumane amagama ayihloko.

Nangabe usebenzisa amagama ahlukileko ukubuyelela umqondo odluliswa mtlolo, qiniseka bona abakulaleleko bazokukghona ukubona kuhle indlela amezwi aseBhayibhelini ahlangana ngayo nephuzu lakho eliyihloko.
Gandelela iphuzu ofuna abakulaleleko balikhumbule. Nangabe ngaphambi kokufunda umtlolo unikele ibanga elizwakalako lokuthi kubayini uwufunda, hlathulula indlela amezwi ayihloko emtlolweni loyo ahlobana ngayo nebangelo.

Hlala uvule iBhayibheli lakho njengombana ucoca ngomtlolo. Lokhu kusiza abakulaleleko bahlanganise amezwakho nevesi oqeda ukulifunda.
Tjengisa indlela elula yokusebenzisa iphuzu. Balekela ukukhuluma ngemininingwana engakhambelani nephuzu eliyihloko. Usebenzisa lokho iinlaleli esele zikwazi ngesihloko, qunta bona kutlhogeka amaphuzu angangani ukuthi enze iphuzu ekufuze lisetjenziswe likhanye belizwisiseke.