ISIFUNDO 7
Inembile Begodu Iyakholisa
Lukasi 1:3
ISIRHUNYEZO: Sebenzisa umthombo welwazi othembekileko bona usize abakulaleleko bafikelele isiphetho esihle.
INDLELA ONGAKWENZA NGAYO:
Funa bewusebenzise umthombo welwazi othembekileko. Imibonwakho ayisekelwe eliZwini lakaZimu, nakukghonakalako lifunde ngokunqophileko. Nawuqalisela ephuzwini lesayensi, embikweni weendaba, okuhlangabezwane nakho namkha obunye ubufakazi obusekelako, qala kusesengaphambili bona umthombo loyo uthembekile begodu usebujamweni obuhle.
Isebenzise ngokufaneleko imithombo yelwazi. Hlathulula imitlolo ngokuvumelana nendaba ekukhulunywa ngayo, umlayezo weBhayibheli, neencwadi ezilungiselelwe ‘yinceku ethembekileko nehlakaniphileko.’ (Mat. 24:45) Sebenzisa imithombo yelwazi engakasekelwa eBhayibhelini ngokufaneleko, ungatjhugululi umlayezo wayo namkha utjho okuhlukileko kilokho ebekunqotjhwe mtloli.
Bonisanani ngobufakazi. Ngemva kokufunda umtlolo namkha ukudzubhula umthombo welwazi othileko, ngokuhlakanipha buza imibuzo namkha ufanekise iphuzu bona usize abakulaleleko bazifumanele isiphetho sabo.