ISIFUNDO 11

Itjiseko

Roma 12:11

ISIRHUNYEZO: Khuthaza abakulaleleko ngokukhuluma ngetjiseko.

Thinteka ihliziyo. Njengombana ulungiselela ukubeka ikulumakho, cabangisisa ngokuqakatheka komlayezwakho. Yazi kuhle ikulumakho bona ukghone ukuyibeka ngokusuka ehliziyweni.
Cabanga ngabantu abakulaleleko. Zindla ngokuthi lokho okufundako namkha okufundisako kuzobazuzisa njani abanye. Cabangisisa ngokuthi ungayibeka njani ikulumakho ngendlela ezokwenza iinlaleli zakho ziyithabele.
Fundisa ngokusuka ehliziyweni. Khuluma ngetjiseko. Sebenzisa amatshwayo wokukhuluma angokwemvelo njengokusebenzisa izandla nobujamo bobuso bona utjengise imizwakho.

Ungasebenzisi amatshwayo wokukhuluma afanako ngokubuyelelweko ngombana lokho kungathikazisa abantu abakulaleleko. Tjengisa itjiseko khulukhulu nawufundisa amaphuzu ayihloko nalokha nawukhuthaza abakulaleleko bona benze okuthileko. Tjheja ungenzi abakulaleleko bona badinwe ngebanga lokuba netjiseko ngokweqileko.