“Iphasi Loke Belinelimi Linye”

11:1-4, 6-9

UJehova wasabalalisa abantu abangalaleliko beBhabheli ngokuraranisa ilimi labo. Namhlanjesi ubuthelela isiqubuthu esikhulu esivela kizo zoke iintjhaba namalimi bona sikhulume “ilimi elihlwengileko, NW” ukuze boke “babize ibizo lakaSomnini [uJehova, NW], bamlotjhe, babambisene.” (Zef 3:9; sAm 7:9) ‘Ilimi elihlwengilekweli’ litjho iqiniso ngoJehova esilifumana eBhayibhelini neenhloso zakhe.

Ukufunda ilimi elitjha kutjho okungaphezu kokubamba amagama amatjha ngehloko. Kufuze ufunde ukucabanga ngendlela ehlukileko. Ngendlela efanako, njengombana sifunda ilimi elihlwengileko leqiniso, iingqondo zethu ziyatjhuguluka. (Rom 12:2) Nasiragela phambili senza njalo, lokho kuzosisiza sibumbane nabantu bakaZimu.—1Ko 1:10.