ISIFUNDO 10

Ukutjhuguluka Kwephimbo

IzAga 8:4, 7

ISIRHUNYEZO: Dlulisa ilwazi ngendlela ezwakalako begodu uthinte ihliziyo yomuntu okulaleleko ngokutjhugulula indlela iphimbo lakho elizwakala ngayo, nebelo okhuluma ngalo.

INDLELA ONGAKWENZA NGAYO:

Tjhugulula indlela iphimbo lakho elizwakala ngayo. Khuphula iphimbo lakho bona ukhanyise amaphuzu ayihloko begodu ukhuthaze abakulaleleko. Yenza okufanako nawufunda izahlulelo eziseBhayibhelini. Yehlisa iphimbo lakho bona ululukeze abakulaleleko namkha uveze ivalo namkha ukutshwenyeka.

Ungaphakamisi iphimbo lakho amahlandla amanengi kangangokuthi abakulaleleko bazizwe ngasuthi uyabathuka. Balekela ukuzidosela amehlo ngokweqileko. Nangabe kuyafaneleka elimini lakho, phakamisa iphimbo lakho bona utjengise ithabo namkha nawukhuluma ngobukhulu bento namkha ibanga. Yehlisa iphimbo lakho bona uveze isizi namkha ukutshwenyeka.
Tjhugulula ibelo lakho lokukhuluma. Khuluma msinya bona utjengise ithabo. Khuluma kabuthaka nawukhanyisa amaphuzu aqakathekileko.

Bona ungathusi abakulaleleko, ungatjhugululi ibelo lakho lokukhuluma ngokungakalindeleki. Ungakhulumi msinya khulu kangangokuthi ungasaphimisi kuhle amagama.