IBhayibheli Lingakusiza Njani?

Inengi lethu linemibuzo malungana nokuphila, ukutlhaga, ukufa nengomuso. Sitlhoga nesizo lokusombulula imiraro esiqalana nayo malanga woke njengokuthi, singayifumana njani imali yokuthenga izinto esizitlhogako nokuba nomndeni othabileko. Abantu abanengi bafumene ukuthi iBhayibheli alibasizi kwaphela ngokubaphendulela imibuzo eqakathekileko ngokuphila kodwana libuye libatjengise indlela engcono yokuphila. Kghani kukhona omaziko ongasizwa siseluleko seBhayibheli?

1. Ngimiphi imibuzo ephendulwa liBhayibheli?

IBhayibheli liphendula imibuzo eqakathekileko enjengale: Ukuphila kwathoma njani? Kubayini siphila? Kubayini abantu abalungileko batlhaga? Kwenzekani emuntwini nakafako? Soke siyakuthanda ukuthula, alo kubayini kunezipi ezingaka? Khuyini ezokwenzeka ngephaseli esikhathini esizako? IBhayibheli lisikhuthaza ukuthi sifune iimpendulo zemibuzo le begodu iingidi zabantu zifumene iimpendulo ezanelisako.

2. IBhayibheli lingakusiza njani uthabele ukuphila?

IBhayibheli lineenluleko ezihle. Ngokwesibonelo, lifundisa ukuthi imindeni ingathaba njani. Linikeza neseluleko sokuthi singaqalana njani nokugandeleleka nokuthi singawuthabela njani umsebenzethu. Uzokufunda ukuthi iBhayibheli lithini ngeenhlokwezi nezinye ezinengi njengombana sizabe sifunda ndawonye. Nawe uzokuvuma ukuthi “woke umTlolo [oseBhayibhelini] . . . unenzuzo yokufundisa.”—2 Thimothi 3:16.

FUNDA NGOKUNGENELELEKO

Tjheja indlela iBhayibheli elisize ngayo abantu nokuthi ungakuthabela njani ukulifunda begodu kubayini kufuze sifune isizo lokuthi silizwisise.

3. IBhayibheli lingasinqophisa

IBhayibheli linjengetotjhi ekhanyisa khulu. Lisisiza ukuthi senze iinqunto ezihle belisitjela ukuthi ingomuso lisiphatheleni.

Funda IRhubo 119:105, bese nicoca ngemibuzo le:

• Umtloli werhubweli bekacabangani ngeBhayibheli?

• Wena uyini umbonwakho ngeBhayibheli?

4. IBhayibheli lingayiphendula imibuzwethu

IVIDIYO: Ungalilahli Ithemba! (1:48)

• Evidiyweni le, ngimiphi imibuzo umma lo ebekanayo?

• Ukufunda iBhayibheli kwamsiza njani?

IBhayibheli lisikhuthaza ukuthi sibuze imibuzo. Funda uMatewu 7:7, bese nicoca ngombuzo olandelako:

• Ngimiphi imibuzo onayo iBhayibheli elingakuphendulela yona?

5. Ungakuthabela ukufunda iBhayibheli

IVIDIYO: Ukufunda IBhayibheli (2:05)

• Evidiyweni le, abantu abatjha bazizwa njani ngokufunda?

• Kubayini nje bazizwa ngendlela ehlukileko ngokufunda iBhayibheli?

IBhayibheli lingasiduduza belisinikele nethemba. Funda yebeRoma 15:4, bese nicoca ngombuzo olandelako:

• Ukwazi ukuthi iBhayibheli liyasiduduza belisinikele nethemba, kukwenza uzizwe njani?

6. Abanye bangasisiza bona sizwisise iBhayibheli

Nanyana abanye bazifundela babodwa iBhayibheli, bakufumene kulisizo ukulifunda nabanye. Funda IzEnzo 8:26-31, bese nicoca ngombuzo olandelako:

• Yini engakusiza uzwisise iBhayibheli?—Funda amavesi 30 no-31.

ISIRHUNYEZO

IBhayibheli lingasisiza ngeenqophiso ezimalungana nokuthi singaphila njani, liphendule imibuzo eqakathekileko, lisiduduze belisiphe nethemba.

Buyekeza

• Ngiziphi iinluleko esingazifumana eBhayibhelini?

• Ngimiphi eminye imibuzo ephendulwa liBhayibheli?

• Khuyini ongathanda ukuyifunda eBhayibhelini?

HLOLA OKUNGENZASI

IBhayibheli lineseluleko esingasisiza namhlanjesi.

“IBhayibheli Selaphelelwa Sikhathi?” (IsiThala No. 1 2018)

Bukela ividiyo etjengisa ukuthi iBhayibheli layisiza njani enye indoda ebeyilwisana nemizwa ehlukahlukeneko kusukela ebuntwaneni.

Indlela Ukuphila Kwami Okutjha Okwathoma Ngayo (2:53)

Funda ngeenluleko ezifumaneka eBhayibhelini malungana nomndeni.

“Izinto ezili-12 Ezingenza Imindeni Ithabe” (Awake! No. 2 2018)

Funda ukuthi iBhayibheli lisitjela ukuthi kuhlekuhle ngubani olawula iphaseli.

Kubayini Kufuze Ufunde IBhayibheli?—Ingcenye epheleleko (3:14)