ISIFUNDO 18

Iyabafundisa Abalaleleko

1 Korinte 9:19-23

ISIRHUNYEZO: Yenza abakulaleleko bacabange ngesihloko, ukwenzela bona baphethe ngokuthi bafunde okuthileko okuqakathekileko.

Cabanga ngokuthi khuyini abakulaleleko esele bayazi. Kunokuthi ubuyelele izinto abakhe bazizwa ngaphambilini, siza abakulaleleko baqale isihloko okhuluma ngaso ngendlela ehlukileko.

Dlula msinyana emaphuzwini abawaziko, kodwana ukhulume kabuthaka nawethula amaphuzu amatjha.
Rhubhulula bewucabangisise. Nakukghonekako, faka amaphuzu angakajayeleki khulu namkha izehlakalo ezisand’ ukwenzeka bona ufanekise amaphuzu aqakathekileko. Cabanga ngokudephileko ngendaba okhuluma ngayo, nangokuthi indaba okhuluma ngayo ihlangana njani namaphuzu ofuna ukuwaveza.

Njengombana ufundisisa isihloko, cabangisisa ngaso ngokuzibuza imibuzo efana nethi ‘khuyini, kubayini, nini, kuphi, ngubani begodu njani.’ Yenza ifundiswakho iphile ngokuphakamisa eminye yemi- buzo leyo bewuyiphendule ekulumenakho.
Tjengisa bona umlayezwakho ulisizo. Hlathulula indlela amaphuzu asemiTlolweni angabasiza ngayo abakulaleleko emaphilwenabo. Coca ngobujamo obunqophileko, iindlela abantu abaziphatha ngazo nezenzo ezaziwa ngabakulaleleko.