Singamlotjha Njani UZimu Ngendlela Emthabisako?

Esifundweni esidlulileko, sifunde ngokuthi akusizo zoke iinkolo ezithabisa uZimu. Nanyana kunjalo, singalotjha uMdalethu ngendlela emthabisako. Ngimuphi “umhlobo wokulotjha [namkha wekolo]” othabisa uZimu? (Jakopo 1:27, umtlolo ongenzasi) Tjheja lokho okufundiswa liBhayibheli.

1. Ukulotjha kwethu kufuze kusekelwe kuphi?

Ukulotjha kwethu kufuze kusekelwe eBhayibhelini. UJesu wathi kuZimu: “Ilizwi lakho liliqiniso.” (Jwanisi 17:17) Amanye amasondo akanandaba neqiniso elifumaneka eliZwini lakaZimu eliphefumulelweko, iBhayibheli. Alijamiselela ngeemfundiso zabantu namasiko. UJehova akathabi ngalabo ‘abadelela umyalo kaZimu.’ (Funda uMarkosi 7:9.) Ngakelinye ihlangothi, sithabisa uZimu nasinamathela eBhayibhelini besilandele nesinqophiso salo.

2. Kufuze simlotjhe njani uJehova?

Njengombana uJehova anguMdalethu, kufuze silotjhe yena kwaphela. (IsAmbulo 4:11) Lokhu kutjho ukuthi kufuze simthande begodu silotjhe yena kwaphela, ngaphandle kokusebenzisa iinthombe.—Funda u-Isaya 42:8.

Ukulotjha kwethu kufuze kube ‘ngokucwengileko nokwamukelekako’ kuJehova. (Roma 12:1) Lokhu kutjho ukuthi kufuze silalele imiyalwakhe. Ngokwesibonelo, labo abathanda uJehova balalela imiyalwakhe malungana nokutjhada. Babalekela imikghwa emimbi, enjengokubhema igwayi, ukusebenzisa kumbi amapilisi namkha utjwala.a

3. Kubayini kufuze silotjhe uJehovasindawonye?

Imihlangano esiba nayo qobe veke isinikela ithuba ‘lokudumisa uJehova. . . ehlanganweni.’ (IRhubo 111:1, 2) Enye indlela esikwenza ngakho lokhu, kudumisa uJehova ngeengoma. (Funda IRhubo 104:33.) UJehova ufuna siye emihlanganweni ngombana uyasithanda begodu uyazi ukuthi izosisiza sifumane ukuphila okungapheliko. Nasihlanganako bona sikhuthazane, kuzuza thina.

FUNDA NGOKUNGENELELEKO

4. Kufuze singasebenzisi iinthombe ekulotjheni kwethu

IVIDIYO: Inga-kghani UZimu Uyakuvumela Ukulotjha Usebenzisa Iinthombe?

• Kwenzekeni ebantwini bakaZimu ngesikhathi seBhayibheli nabalinga ukumlotjha basebenzisa isithombe?

Abanye abantu balinga ukutjhidela kuZimu ngokusebenzisaiinthombe nabamlotjhako. Kghani ukwenza njalo kungenza uZimu abe kude nabo? Funda u-Eksodusi 20:4-6 neRhubo 106:35, 36, bese nicoca ngemibuzo le:

• Ngiziphi izinto namkha iinthombe ozibonileko abantuabazisebenzisako nabalotjha uZimu?

• UJehova uzizwa njani ngokusebenzisa iinthombe?

• Wena uzizwa njani ngokusebenzisa iinthombe?

5. Ukulotjha uJehova kwaphela kusitjhaphulula eemfundisweni zamala

IVIDIYO: Ngitjhatjhululwe Liqiniso (5:16)

Funda IRhubo 91:14, bese nicoca ngombuzo lo:

• Khuyini uJehova athembisa ukusenzela yona nasitjengisa ukuthi siyamthanda ngokulotjha yena kwaphela?

6. Silotjha uJehovaesifundweni

Sidumisa uJehova besikhuthazane nasibhinako nalokha nasiphendulako esifundweni. Funda IRhubo 22:22, bese nicoca ngemibuzo le:

• Kghani uyakuthanda ukulalela abantu nabaphendulako esifundweni?

• Kghani nawe ungathanda ukuphendula?

7. UJehova uyathaba nasitjela abanye ngalokho esikufundileko

Kuneendlela ezinengi esingacocela ngazo abanye amaqiniso weBhayibheli. Funda amaRhubo 9:1; 34:1, bese nicoca ngombuzo lo:

• Khuyini okufunde eBhayibhelini ongathanda ukucocela abanye ngakho?

ISIRHUNYEZO

Sithabisa uMdalethu ngokuthi silotjhe yena kwaphela, simdumise esifundweni besicocele nabanye ngalokho esikufundileko.

Buyekeza

• Singafunda njani ukulotjha uZimu ngendlela eyamukelekako?

• Kubayini kufuze silotjhe uJehova kwaphela?

• Kubayini kufuze silotjhe uZimu nalabo abafuna ukumthabisa?

HLOLA OKUNGENZASI

Funda indlela engakusiza uphendule esifundweni.

“Dumisa UJehova Ebandleni” (IsiThala, Janabari 2019)

Funda ngendlela elinye isokana elazuza ngayo esifundweni ngitjho nanyana bekungasibulula ukuya khona.

UJehova Wangitlhogomela (3:07)

Abantu abanengi bahlobanisa isiphambano nobuKrestu kodwana kufuze sisisebenzisena ekulotjheni kwethu?

“Kubayini AboFakazi BakaJehova Bangasisebenzisi Isiphambano Nebalotjha UZimu?” (Isihloko esiku-jw.org)