Iinkhombiso Zencwajana Ethi, IPilo NomSebenzi WobuKrestu IHlelo LomHlangano WeBandla

Iinkhombiso Zencwajana Ethi, IPilo NomSebenzi WobuKrestu IHlelo LomHlangano WeBandla

NOVEMBA 4-10, 2012

AMAGUGU ASELIZWINI LAKAZIMU IRHUBO 105

it-2 1201 ¶2

Ilizwi

Izinto eziphilako nezingaphiliko zilalela ilizwi lakaZimu begodu angazisebenzisa ukuzalisa iminqophwakhe. (IR 103:20; 148:8) Ilizwi lakhe lithembekile; lokho uZimu akuthembisako uyakwenza. (Dut 9:5; IR 105:42-45) UZimu uthi ilizwi lakhe “lihlala ngokungapheliko,” angekhe libuyele emuva lingakenzi lokho uZimu alithumele bona likwenze.—Isa 40:8; 55:10, 11; 1Pt 1:25.

NOVEMBA 18-24, 2012

Izinto ZakaZimu Eziligugu

it-2 420 ¶4

BakwaMowabi

Kamuva, uDavida nakayikosi kwaba nepi godu phakathi kwama-Israyeli nebakwaMowabi. BakwaMowabi bahlulwa begodu uDavida wababhadelisa umthelo. Kubonakala kwanga nakuphela ipi kwaba namadoda wepi wakwaMowabi abulawako. UDavida wawalalisa phasi, wawalinganisa ngomuda, walinganisa imida emibili yamadoda lawo bona abulawe begodu umuda munye wamadoda lawo bona aragele phambili aphila. (2Sa 8:2, 11, 12; 1Kr 18:2, 11) Kungenzeka epini leyo, uBhenaya indodana kaJehoyada “warhayila amadodana amabili ka-Ariyeli wakwaMowabi.” (2Sa 23:20; 1Kr 11:22) Ukuhlulwa kwesitjhaba sakwaMowabi nguDavida bekuzalisa amezwi kaBhalami wesiphorofido awatjho eminyakeni ema-400 ngaphambili: “Kuzokuvela ikwekwezi kuJakopo, intonga yobukhosi izokuvela kwa-Israyeli. Uzokuphadlha amathempeli wakwaMowabi namakhakhayi wawo woke amadodana wenturhu.” (Num 24:17) Umrhubi nakakhuluma ngokuhlulokhu wathi uMowabi ‘uyipoto kaZimu yokuhlamba.’—IR 60:8; 108:9.

NOVEMBA 25–DISEMBA 1

Izinto ZakaZimu Eziligugu

it-1 524 ¶2

Isivumelwano

Isivumelwano Sokuba Mphristi OnjengoMelkizedeki. Isivumelwanesi kukhulunywa ngaso kuRhubo 110:4 begodu umtloli wencwadi yeBhayibheli yamaHebheru uqalisela isivumelwanesi kuKrestu encwadini yamaHebheru 7:1-3, 15-17. Sivumelwano uJehova asenza noJesu Krestu kwaphela. Kungenzeka uJesu bekaqalisele kiso nakenza isivumelwano sombuso nabalandeli bakhe. (Luk 22:29) Ngokwesifungo sakaJehova, uJesu Krestu iNdodana kaZimu yezulwini beyizokuba mphristi ngokwendlela kaMelkizedeki. UMelkizedeki bekayikosi nomphristi kaZimu ephasini. UJesu Krestu bekazokuba yiKosi nomPhristi omKhulu, ingasi ephasini kodwana ezulwini. Umsebenzi lo wathoma ukuwenza ngemva kokukhuphukela ezulwini. (Heb 6:20; 7:26, 28; 8:1) Isivumelwanesi sizokuhlala sisebenza njengombana uJesu ngaphasi kokunqotjhiswa nguJehova, uzokuba yiKosi nomPhristi omKhulu ngokungapheliko.—Heb 7:3.