IBULUNGELO-THUNGELELWANO LesiThala
LesiThala
IBULUNGELO-THUNGELELWANO
IsiNdebele
  • IBHAYIBHELI
  • IINCWADI
  • IMIHLANGANO
  • yc isif. 8 kk. 18-19
  • UJosiya Bekanabangani Abalungileko

Ncancabe asinayo ividiyo

Ncancabe, kube nomtjhapho nakufakwa ividiyo

  • UJosiya Bekanabangani Abalungileko
  • Fundisa Abantwana Bakho (yc)
  • Incwadi Efanako
  • UJosiya Bekawuthanda UmThetho KaZimu
    Iimfundo Ongazithola EBhayibhelini
  • IKosi Yamaswaphela Yakwa-Israyeli Elungileko
    Incwaadami Yeendaba ZeBhayibhili
  • Bantu Abatjha​—⁠Nifuna Ukuphila Okunjani?
    IsiThala Esazisa NgomBuso KaJehova (Esifundwa Ebandleni)—2023
Fundisa Abantwana Bakho (yc)
yc isif. 8 kk. 18-19

ISIFUNDO 8

UJosiya Bekanabangani Abalungileko

Ucabanga bona kubudisi na ukwenza okulungileko?— Abantu abanengi bacabanga bona kubudisi. IBhayibheli isitjela bona bekubudisi khulu ngomsana obizwa bona nguJosiya ukwenza okulungileko. Kodwana bekanabangani abalungileko egade bamsiza. Akhe sifunde okungeziweko ngoJosiya nabangani bakhe.

Ubaba kaJosiya gade kungu-Amoni, ikosi yakwaJuda. U-Amoni bekenza izinto ezimbi khulu begodu akhulekela iinthombe. Ngemva kokuhlongakala kwakababa kaJosiya, uJosiya waba yikosi yakwaJuda. Kodwana bekaneminyaka ebunane kwaphela! Ucabanga bona wenza izinto ezimbi njengobabakhe?— Awa, azange!

UZefaniya wayelelisa abantu bona bangakhulekeli iinthombe

Ngitjho nalokha asesemncani khulu, uJosiya bekafuna ukulalela uJehova. Ngalokho wakhetha ukuba nabangani abathanda uJehova. Begodu basiza uJosiya bona enze okulungileko. Gade kubobani abanye babangani bakaJosiya?

Omunye wabangani bakhe gade kunguZefaniya. UZefaniya bekamphorofidi owalemukisa abantu bakwaJuda bona bazokuvelelwa zizinto ezimbi nebakhulekela iinthombe. UJosiya walalela uZefaniya begodu wakhulekela uJehova, ingasi iinthombe.

Omunye wabangani bakaJosiya gade kunguJoromiya. Gade alingana noJosiya, begodu emakhabo gade kusemaduzelana nebasesebancani. Gade babangani abakhulu kangangobana uJosiya nekahlongakalako, uJoromiya watlola ingoma ekhethekileko emalungana nokuthi umkhumbula kangangani uJosiya. UJoromiya noJosiya basizana bona benze okulungileko begodu balalele uJehova.

UJosiya noJoromiya basizana bona benze okulungileko

Ungafundani esibonelweni sakaJosiya?— Ngitjho nangesikhathi uJosiya asesemsanyana omncani khulu, bekafuna ukwenza okulungileko. Bekazi bona kufuze abe nabangani abathanda uJehova. Qiniseka bona ukhetha abangani abathanda uJehova begodu abazokusiza wenze okulungileko!

FUNDA EBHAYIBHELINAKHO

  • 2 IinKronike 33:21-25; 34:1, 2; 35:25

IMIBUZO:

  • Gade kungubani ubaba kaJosiya? Inga-kghani wenza okulungileko?

  • UJosiya wafuna ukwenzani ngitjho nanyana bekasesemsanyana?

  • Bobani amabizo wabangani bakaJosiya ababili?

  • Ungafundani esibonelweni sakaJosiya?

    Iincwadi ZesiNdebele (2008-2025)
    Phuma
    Ngena
    • IsiNdebele
    • Yabelana
    • Okunyulako
    • Copyright © 2025 Watch Tower Bible and Tract Society of Pennsylvania
    • Imibandela
    • Iinkambiso Zokubulunga Ifihlo
    • Ukuhlelwa Kwemininigwanakho Eyifihlo
    • JW.ORG
    • Ngena
    Yabelana