IBHOKSI LOKUFUNDISA 18A
UJehova Uyelelisa Ngepi Ekulu Ezako
IBhayibheli ineenyeleliso ezinengi zeemphorofido eziyelelisa ngepi uJehova azoyisebenzisa ukutjhabalalisa boke abaphikisana naye, nabantu bakhe. Ezinye zeemphorofidwezo zitlolwe ngenzasi. Tjheja ukufana kweenyeleliswezi begodu utjheje indlela uJehova aqinisekisa ngayo boke abantu ngethuba lokuzwa ngazo nokwenza okuthileko ngalokho abakuzwako.
IINKHATHI ZAKA-ISRAYELI WAKADE
UHEZEKIYELI:“‘Ngizokubiza isabula ngokujamelene [noGogi] kizo zoke iintaba zami,’ kutjho iKosi ePhakemeko uJehova.”—Hez. 38:18-23.
UJOROMIYA:“[UJehova] ngokwakhe uzokwahlulela boke abantu. Begodu uzokubulala okhohlakeleko ngesabula.”—Jor. 25:31-33.
UDANYELA:“UZimu wezulwini uzokubeka umbuso . . . uzokutshidlha uqede yoke imibuso.”—Dan. 2:44.
NGEKHULU LOKUTHOMA C.E.
UJESU:“Kuzokuba nesizi elikhulu elingakhenge khelibe khona soloko kwathoma iphasi.”—Mat. 24:21, 22.
UPOWULA:‘UJesu . . . neengilozi zakhe ezinamandla . . . bazozibuyiselela kilabo abangamaziko uZimu.’—2 Thes. 1:6-9.
UPITROSI:“Ilanga lakaJehova lizokuza njengesela, . . . begodu iphasi nemisebenzi ekilo lizokwambulwa.”—2 Pit. 3:10.
UJWANISI:“Emlonyenakhe [kaJesu] kuphuma isabula ebukhali, ede azokutjhabalalisa ngayo iintjhaba.”—IsAm. 19:11-18.
IINKHATHI ZANJE
IBhayibheli yincwadi etjhugululelwe kwamanye amalimi nenikelwe abantu ukudlula zoke iincwadi emlandweni
ABANTU ABALOTJHA UJEHOVA EENKHATHINI ZANJE . . .
Banikela abantu iincwadi ezisekelwe eBhayibhelini ezimabhiliyoni ngamalimi angaphezu kwamakhulu amanengi
Batjhumayela ama-iri amanengi khulu qobe mnyaka