IBHOKSI LOKUFUNDISA 19B
Umlanjana Uba Mlambo Omkhulu!
UHezekiyeli ubona umlanjana ugeleza uvela endlini kaJehova ecwengileko begodu ngokusimangaliso uba mlambo omkhulu kungakapheli amakhilomitha amabili. Ubona imithi ekhethekileko eyondlako nelaphako hlanu komlambo. Koke lokhu kutjho ukuthini?
Umlambo Uletha Iimbusiso
EKADENI: Ngemva kokuthi abadingisiweko babuyiselwe enarhenabo, iimbusiso zehlela kibo njengombana baba nengcenye ekubuyiselweni kokulotjha okuhlwengileko ethempelini
ESIKHATHINI SANJE: Ngo-1919 ukulotjha okuhlwengileko kwabuyiselwa, okwenza bona kube neembusiso ezingapheliko ebantwini abalotjha uJehova ngokuthembeka
ESIKHATHINI ESIZAKO: Ngemva kwe-Arimagedoni uJehova uzosibusisa ngeendlela ezinengi njengokususa isono ebantwini nokusifundisa amaqiniso amatjha
Amanzi Anikela Ukuphila
EKADENI: UJehova wababusisa khulu abantu abamlalelako, ngitjho nanyana isibalo sabo besikhulu, wabenza bathuthuka ebuhlotjeni babo naye
ESIKHATHINI SANJE: Epharadesini elingokomfanekiso elikhulako, abantu abaragela phambili banda bazuzile ekugelezeni okuragela phambili kwamaqiniso aseBhayibhelini nangokufunda ngoJehova nokumlotjha nalabo abamlotjha ngendlela ayamukelako
ESIKHATHINI ESIZAKO: Abasinde e-Arimagedoni bazokuhlangana neengidi zabantu abavusiweko begodu iimbusiso zakaJehova zizokuba zinengi
Imithi Yokudla Nokulapha
EKADENI: UJehova ufundise abantu bakhe iqiniso ngaye begodu wenze kwakghonakala bona bamlotjhe ngendlela ayamukelako enarhenabo ebuyiselweko, wabalapha ngokubasiza bona balise nanyana yini ehlobene nokulotjha kwamala
ESIKHATHINI SANJE: Ihlathululo yamaqiniso weBhayibheli isiza abantu bakaZimu bahlale bathembekile kuye, babalekele ukwenza isono esikhulu bebabalekele nemikghwa emimbi yabantu bephaseli
ESIKHATHINI ESIZAKO: UKrestu nalabo azokubusa nabo abazii-144 000 bazokusiza abantu abalalelako bathabele ipilo nokuba namandla ngokungapheliko!