“Amathambo Ome Kere” ‘Nabofakazi Ababili’—Kuhlangana Njani?

NGOMNYAKA ka-1919 kwazaliseka iimphorofido ezimbili ezikhambelanako: sinye sikhuluma ‘ngamathambo omileko’ esinye sikhuluma ‘ngabofakazi ababili.’ Umbono ‘wamathambo omileko’ ubikezela ngesikhathi eside, (esaba makhulukhulu weminyaka) esapheliswa kukuba khona kwesiqhema esikhulu sabantu bakaZimu. (Hez. 37:2-4; IsAm. 11:1-3, 7-13) Isiphorofido ‘ngabofakazi ababili’ sihlathulula isikhathi esincani esazaliseka (ukusukela ekupheleni kwaka-1914 kufikela ekuthomeni kwaka-1919) esapheliswa kukuba khona kwesiqhema esincani seenceku zakaZimu. Zombili iimphorofidwezi zikhuluma ngokuvuswa kwabahlongakeleko ngokomfanekiso begodu zombili zazaliseka ngo-1919 lokha uJehova nakabangela bona iinceku zakhe ezizesiweko ‘zijame ngeenyawo zazo’ zitjhiye ukuthunjwa kwazo eBhabhiloni eliKhulu bezihlangane ebandleni elibuyiselwe ekulotjheni okuhlwengileko.—Hez. 37:10.

Tjheja ukuthi ukuzaliseka kweemphorofidwezi kuhluka ngendlela eqakathekileko. Isiphorofido ‘samathambo omileko’ sibikezela ngokuphila kwawo woke amalunga aseleko wabazesiweko. Nanyana kunjalo, isiphorofido ‘sabofakazi ababili’ sibikezela ngokuphila kwamanye amalunga kaZimu wabazesiweko aseleko lawo adosa phambili ehlanganwenakhe begodu abekwe bona abe ‘yinceku ehlakaniphileko nethembekileko.’—Mat. 24:45; IsAm. 11:6.a

‘Umrhoba Othabaleleko . . . Bewuzele Amathambo’—Hez. 37:1

1. NGEMVA KWE-100 C.E.

   Ukusukela ngekhulu lesibili C.E. ukuya phambili lokha ibandla lamaKrestu azesiweko libulawa ngokomfanekiso, “umrhoba othabaleleko” wazaliswa ‘ngamathambo’

2. EKUTHOMENI KWAKA-1919

   Ngo-1919: ‘Amathambo omileko’ aphila lokha uJehova nakenza boke abazesiweko batjhiye iBhabhiloni eliKhulu bahlangane ebandleni elibuyiselwe ekulotjheni okuhlwengileko

“Abofakazi Ababili”—IsAm. 11:3.

1. EKUPHELENI KWAKA-1914

   ukutjhumayela ‘ngomgodla’

   Ngo-1914: ‘Abofakazi ababili’ batjhumayela ‘ngomgodla’ iminyaka emithathu nesiquntu. Ekupheleni kweminyaka leyo babulawa ngokomfanekiso

2. ukufa okungokomfanekiso

3. EKUTHOMENI KWAKA-1919

   Ngo-1919: ‘Abofakazi ababili’ baphila lokha isiqhema esincani sabafowethu abazesiweko ebebarhola ehlanganweni babekwa bona babe ‘yinceku ethembekileko nehlakaniphileko’