IBHOKSI LOKUFUNDISA 20A

Ukwabiwa Kwenarha

Ukuhlathululwa kwemikhawulo yenarha ngokunembileko kwaqinisekisa abadingisiweko ngokuthi inarhabo abayithandako beyizokubuyiselwa. Ngiziphi iimfundo esingazifunda embonweni lo namhlanjesi? Cabanga ngezinto ezimbili ezisembonweni:

Umebhe otjengisa imikhawulo yokuhlukanisela abadingisiweko inarha, njengombana kwatlolwa nguHezekiyeli. Amafa wenarha ahlukaniswa ngokulinganako kusukela etlhagwini kufikela esewula, kusukela kuDani, Atjheri, Nafitali, Manase, Efrayimi, Rubeni, Juda, uMnikelo (iindawo zabanqophisi), Bhenjamini, Simiyoni, Isakari, Zebuloni noGadi.

Indawo evikelekileko nesabelo esiqakathekileko

Ngamunye kilabo ababuye ekudingisweni bekazokuba nelifa eNarheni yesiThembiso ebuyiselweko. Ngokufanako nanamhlanjesi, boke abantu abalotjha uJehova banendawo epharadesi elingokomfanekiso. Nanyana kungabonakala kukuncani kangangani esikwenzako ehlanganweni, sinendawo evikelekileko begodu senza umsebenzi oqakathekileko enarheni engokomfanekiso. Boke abantu abalotjha uJehova baqakatheke ngendlela efanako kuye.

Ukwabiwa kwenarha ngendlela elinganako

Embonweni kaHezekiyeli, indawo ngayinye ebeyiseNarheni yesiThembiso ebuyiselweko, abahlali bayo bebazuza ngokulinganako ezintweni ezifumaneka kiyo. Ngokufanako nanamhlanjesi, uJehova wenze bona iinceku zakhe zibe namathuba alinganako wokufumana iimbusiso epharadesi elingokomfanekiso.

Buyela kusahluko 20, iingaba 5-11