Kutjho Ukuthini Ukungathathi Ihlangothi?

UJesu wafundisa abalandeli bakhe bona akukafuzi babe ‘yingcenye yephasi.’ (Jwanisi 15:19) Lokho kuhlanganisa ukungathathi ihlangothi kwezepolotiki nezepi. Eqinisweni akusilula ukungathathi ihlangothi. Abantu bangasihleka ngebanga lokuthi asithathi ihlangothi. Singahlala njani singathathi ihlangothi begodu sihlale sithembekile kuJehova uZimu?

1. AmaKrestu weqiniso azizwa njani ngaborhulumende babantu?

AmaKrestu ayabahlonipha aborhulumende. Senza njengombana uJesu atjho ‘sibuyisela izinto zakaKhesari kuKhesari,’ lokho kutjho ukuthi silalela imithetho yenarha, njengokubhadela imithelo. (Markosi 12:17) IBhayibheli lifundisa bona aborhulumende babantu babusa ngombana uJehova ubavumele. (Roma 13:1) Yeke siyazwisisa bona aborhulumende babantu banelawulo elilinganiselweko. Siqale kuZimethu nemBuswenakhe wezulwini bona urarulule imiraro yabantu.

2. Singatjengisa njani bona asithathi ihlangothi?

NjengoJesu, nathi asihlanganyeli kwezepolotiki. Abantu nababona uJesu enza iimangaliso, balinga ukumenza ikosi kodwana akhenge avume. (Jwanisi 6:15) Kubayini? Ngombana wathi, “umBuswami awusiyingcenye yephaseli.” (Jwanisi 18:36) Njengabafundi bakaJesu sitjengisa ngeendlela ezinengi bona asithathi ihlangothi. Ngokwesibonelo, asiyi epini. (Funda uMikha 4:3.) Siyawahlonipha amatshwayo wenarha njengeflarha kodwana asiwalotjhi. (1 Jwanisi 5:21) Asisekeli namkha siphikisane nesiqhema sezepolotiki namkha ilunga laso. Sitjengisa ngeendlelezi nezinye bona sithembele ngokupheleleko kurhulumende kaZimu, umBuswakhe.

FUNDA NGOKUNGENELELEKO

3. AmaKrestu weqiniso awathathi ihlangothi

UJesu nabalandeli bakhe basibekela isibonelo. Funda kwebeRoma 13:1, 5-7 neyoku-1 kaPitrosi 2:13, 14. Ngemva kwalokho, dlala IVIDIYO, bese nicoca ngemibuzo elandelako.

IVIDIYO: AmaKrestu Weqiniso Akathathi Ihlangothi—Ingcenye 1 (4:28)

• Kubayini kufuze sihloniphe aborhulumende babantu?

• Ngiziphi iindlela esingabonisa ngazo bona siyazithoba kibo?

Ngeenkhathi zepi, ezinye iintjhaba zingathi azithathi ihlangothi kodwana zizithole sezisekela amahlangothi amabili aphikisanako. Kutjho ukuthini ukungathathi ihlangothi? Funda uJwanisi 17:16. Ngemva kwalokho, dlala IVIDIYO bese nicoca ngombuzo olandelako.

IVIDIYO: AmaKrestu Weqiniso Akathathi Ihlangothi—Ingcenye 2 (3:11)

• Kutjho ukuthini ukungathathi ihlangothi?

Kuthiwani nangabe urhulumende ufuna ukukwenzisa into ephikisana nomthetho kaZimu? Funda izEnzo 5:28, 29. Ngemva kwalokho, dlala IVIDIYO bese nicoca ngemibuzo elandelako.

IVIDIYO: AmaKrestu Weqiniso Akathathi Ihlangothi—Ingcenye 3 (1:18)

• Nangabe kunokuphikisana phakathi komthetho wabantu nomthetho kaZimu, mthetho kabani ekufuze siwulalele?

• Ngibuphi ubujamo lapho amaKrestu engekhe alalele khona aborhulumende babantu?

4. Ungathathi ihlangothi emkhumbulwenakho nangezenzo zakho

Funda uJwanisi 5:21. Ngemva kwalokho, dlala IVIDIYO bese nicoca ngemibuzo elandelako.

IVIDIYO: Kubayini AmaKrestu Wamambala Kufuze Abe Nesibindi—Sokungazifaki Kezepolotiki (2:49)

• Evidiyweni, kubayini u-Ayenge aqunta ukungahlanganyeli esiqhemeni sezepolotiki namkha ukufaka isandla eminyanyeni yezobutjhaba njengokulotjha iflarha?

• Ucabanga bona wenza isiqunto esihlakaniphileko?

Ngibuphi obunye ubujamo obungenza kube budisi bona singathathi ihlangothi? Dlala IVIDIYO, bese nicoca ngemibuzo elandelako.

IVIDIYO: Iimfundo Esizifumana EsiThaleni—Ukungathathi Ihlangothi Nanyana Siphila Ephasini Elihlukene Phakathi (5:16)

• Singahlala njani singathathi ihlangothi naziza kwezemidlalo nakuphalisana abadlali abavela eenarheni ezihlukahlukeneko?

• Singahlala njani singathathi ihlangothi nalokha silinyazwe ziinqunto zabosopolotiki?

• Izinto esizizwa eendabeni nebantwini esizibandakanya nabo, zingayithinta njani indlelethu yokungathathi ihlangothi?

ISIRHUNYEZO

AmaKrestu asebenza budisi bona angathathi ihlangothi kwezepolotiki, ngezinto azicabangako, azitjhoko nazenzako.

Buyekeza

• Khuyini ekufuze siyenzele aborhulumende babantu?

• Kubayini singathathi ihlangothi kwezepolotiki?

• Ngibuphi ubujamo obungenza kube budisi ukungathathi ihlangothi?

HLOLA OKUNGENZASI

Ngikuphi ukuzidela ekufuze sikwenze bona singathathi ihlangothi?

UJehova Akhenge Asidanise (3:14)

Imindeni ingabulungiselela njani ubujamo obungenza kube budisi ukungathathi ihlangothi?

Ukungazibandakanyi Kwezepolotiki Emphakathini  (4:25)

Kubayini ukuvikela inarha kungasiyihlonipho ekulu umuntu angayifumana?

“Zoke Izinto Ziyenzeka NgoZimu” (5:19)