Khetha Zokuzithabisa Ezenza UJehova Athabe

UJehova ‘nguZimu othabako.’ (1 Thimothi 1:11) Ufuna sithabe begodu siphile kamnandi. Uyathaba nasisebenzisa isikhathi esithileko bona siphumule emsebenzini esiwenzako. Esifundwenesi sizokubona ukuthi singazisebenzisa njani iinkhathezo ngeendlela ezithabisako, ezanelisako nezithabisa uJehova.

1. Khuyini okufuze siyikhumbule nasikhetha zokuzithabisa?

Khuyini othanda ukuyenza nawuphumulileko? Abanye bakhetha ukusebenzisa isikhathi sabo bazihlalele ekhaya, bafunda incwadi, balalele umbhino, babukele i-movie namkha bangene ku-inthanethi. Abanye bathabela ukuba nabangani babo, badude namkha badlale imidlalo. Kungakhathaliseki bona sikhetha ini, kufuze siqiniseke bona zokuzithabisa esizikhethako ‘ziyamukeleka eKosini.’ (Efesu 5:10) Kuqakathekile ukuzwisisa ukuthi ezinengi zokuzithabisa zinezinto uJehova azihloyako, njengenturhu, ukuziphatha kumbi ngokomseme, namkha imimoya. (Funda iRhubo 11:5.) Khuyini ezosisiza sizikhethe kuhle zokuzithabisa?

Nasikhetha abangani abathanda uJehova bangasikhuthaza ngezinto ezihle nalokha sikhetha zokuzithabisa. Njengombana sifundile esifundweni esidlulileko, “Okhamba nabahlakaniphileko uzokuhlakanipha.” Ngakelinye ihlangothi, nasihlala sinabantu abangazithandi iinkambisolawulo zakaZimu ‘kuzosikhambela kumbi.’—IzAga 13:20.

2. Kubayini kuqakathekile ukulawula isikhathi esisisebenzisa sizithabisa?

Ngitjho nanyana esikhetha ukuzithabisa ngakho kungalimazi ubuhlobo bethu noJehova, kufuze sitjheje bona singasebenzisi isikhathi esinengi kikho. Nakungasinjalo, angekhe sibe nesikhathi esaneleko sezinto eziqakathekileko. IBhayibheli lisikhuthaza bona ‘sisebenzise kuhle isikhathi sethu.’—Funda kwebe-Efesu 5:15, 16.

FUNDA NGOKUNGENELELEKO

Funda ukwenza iinqunto ezihle ngezokuzithabisa ozikhethako.

3. Gegeda zokuzithabisa ezingakalungi

Kubayini kufuze sitjheje nasikhetha zokuzithabisa? Dlala IVIDIYO, bese nicoca ngemibuzo elandelako.

IVIDIYO: Ngiziphi Zokuzithabisa Engingazikhetha? (4:39)

• Imidlalo ebeyidlalwa babantu beRoma bekadeni ifana njani nezokuzithabisa zanamhlanjesi?

• Evidiyweni, khuyini uDanny ayifundileko ngezokuzithabisa?

Funda KwebeRoma 12:9, bese nicoca ngombuzo lo:

• Iveseli lingakusiza njani nawukhetha zokuzithabisa?

Ngiziphi ezinye izinto uJehova azihloyileko? Funda izAga 6:16, 17 nekwebeGalatiya 5:19-21. Ngemva kokufunda umtlolo ngamunye, cocani ngombuzo lo:

• Ngiziphi ezinye zezinto ezisemavesini la ezijayelekileko kwezokuzithabisa namhlanje?

Imibuzo engakusiza ukhethe zokuzithabisa kuhle

Zibuze:

• Khuyini? Inga-kghani kubandakanya izinto uJehova azihloyileko?

• Isikhathi? Inga-kghani kuthatha isikhathi sezinto eziqakathekileko?

• Uzithabisa nabobani? Inga-kghani kungenza ngitjhidelane nabantu abangathandi uJehova?

Kungcono ukudlalela kude nengozi ngendlela ongakghona ngayo. Kungebangelo kufuze sibalekele ukuzithabisa esicabanga bona akukasilungeli

4. Sisebenzise kuhle isikhathi sakho

Dlala IVIDIYO, bese nicoca ngombuzo olandelako.

IVIDIYO: Khuyini Elawula Isikhathi Sakho? (2:45)

• Ngitjho nanyana umfowethu osevidiyweni bekangabukeli izinto ezimbi, waba yini umrarwakhe?

Funda kwebeFilipi 1:10, bese nicoca ngombuzo lo:

• Umtlolo lo ungasisiza njani siqunte bona sisebenzisa isikhathi esingangani kwezokuzithabisa?

5. Khetha ukuzithabisa ngezinto ezikulungeleko

Ngitjho nanyana ezinye zokuzithabisa zingamthabisi uJehova, zinengi izinto ezimnandi ezimthabisako. Funda uMtjhumayeli 8:15 nekwebeFilipi 4:8, bese nicoca ngombuzo lo:

• Ngikuphi ukuzithabisa okulungileko okuthandako?

ISIRHUNYEZO

UJehova ufuna sikhethe begodu sizithabise ngezinto ezilungileko.

Buyekeza

• Ngikuphi ukuzithabisa amaKrestu okufuze akugegede?

• Kubayini kufuze sitjheje bona sisebenzisa isikhathi esingangani sizithabisa?

• Kubayini ufuna ukukhetha ukuzithabisa ngezinto ezithabisa uJehova?

HLOLA OKUNGENZASI

Funda bona ngubani okufuze asikhethele zokuzithabisa.

“Kubayini Abofakazi BakaJehova Bakhetha Amafilimu, Iincwadi, Nombhino Othileko?” (Isihloko esiku-jw.org)

Qala bona ungazenza njani iinqunto ezihle malungana nezokuzithabisa.

Ukuzithabisa Kwakho Kuyazuzisa?” (IsiThala, Oktoba 15, 2011)

Qala bona umma usenza njani isiqunto esihlakaniphileko malungana nezokuzithabisa ezikhuluma ngendawo yemimoya.

Balekela Zokuzithabisa Ezibandakanya Imimoya (2:02)