Umsebenzi Owenziwa ‘Yinceku Ethembekileko Nehlakaniphileko’

UJesu uyiHloko yebandla lobuKrestu. (Efesu 5:23) Namhlanjesi uJesu unqophisa abalandeli bakhe bephasini asezulwini asebenzisa “inceku ethembekileko nehlakaniphileko.” (Funda uMatewu 24:45.) UJesu Krestu ubeke “inceku” begodu wayinikela ilungelo lokwenza iinqunto ezithileko, kodwana kufuze ilalele uKrestu begodu isekele abafowabo bakaKrestu. Ngubani inceku leyo? Isitlhogomela njani?

1. Ngubani “inceku ethembekileko nehlakaniphileko”?

UJehova bekasolo asebenzisa umuntu namkha isiqhema esincani sabantu bona banqophise abantu bakhe. (Malaki 2:7; Hebheru 1:1) Ngemva kokuhlongakala kwakaJesu, abapostoli nabadala beJerusalema badosa phambili. (IzEnzo 15:2) Namhlanjesi, isihlopha esincani sabadala, okusiHlopha esiBusako saboFakazi bakaJehova, silandela indlela efanako ngokuthi silungiselele izinto ezisitjhideza kuZimu begodu sinqophise nomsebenzi wokutjhumayela. Isiqhemeso, ‘yinceku ethembekileko nehlakaniphileko ebekwe [nguJesu].’ (Matewu 24:45a) Woke amalunga wesiHlopha esiBusako maKrestu azeswe ngommoya, aqale phambili ekubuseni noKrestu emBusweni wezulwini nasele ukuphila kwawo kwephasini kuphelile.

2. Ngiziphi izinto ezisitjhideza kuZimu inceku ethembekileko esinikela zona?

UJesu wathi inceku ethembekileko, ‘izokunikela [amaKrestu ekunye nawo] ukudla kwawo ngesikhathi esifaneleko.’ (Matewu 24:45b) Njengokudla okusiza imizimbethu bona ihlale iqinile begodu inepilo, ukudla okusitjhideza kuZimu, okusiluleko esivela eliZwini lakaZimu, kusinikela amandla esiwatlhogako bona sihlale sithembekile kuJehova begodu senze umsebenzi uJesu asinikele wona. (1 Thimothi 4:6) Sifumana ukudla okusitjhideza kuZimu ngokuya esifundweni, emihlanganweni emincani nemikhulu, eencwadini ezisekelwe eBhayibhelini nemavidiyweni asisiza bona sizwisise intando kaZimu naqinisa ubungani bethu naye.

FUNDA NGOKUNGENELELEKO

3. Abantu bakaJehova kufuze bahleleke

IsiHlopha esiBusako sihlela umsebenzi waboFakazi bakaJehova sinqotjhiswa nguJesu. UJesu wanqophisa amaKrestu wokuthoma ngendlela efanako. Dlala IVIDIYO.

IVIDIYO: UJehova Uhlela Abantu Bakhe (6:18)

Funda yoku-1 kwebeKorinte 14:33, 40, bese nicoca ngombuzo lo:

• Amavesi la atjengisa njani bona uJehova ufuna aboFakazi bakhe bahleleke?

4. Inceku ethembekileko ihlela umsebenzethu wokutjhumayela

Ukutjhumayela bekumsebenzi oqakathekileko ebewenziwa maKrestu wekadeni. Funda izEnzo 8:14, 25, bese nicoca ngemibuzo le:

• Phakathi nesikhathi samaKrestu wekadeni, ngubani obekanikela iinqophiso zomsebenzi wokutjhumayela?

• UPitrosi noJwanisi basilandela njani isinqophiso sabapostoli abakunye nabo?

Ukutjhumayela msebenzi oqakathekileko ohlelwa siHlopha esiBusako. Dlala IVIDIYO.

IVIDIYO: Ukudzimelela Emsebenzini Wokutjhumayela (1:24)

UJesu wakugandelela khulu ukuqakatheka komsebenzi wokutjhumayela. Funda uMarkosi 13:10, bese nicoca ngemibuzo le:

• Kubayini umsebenzi wokutjhumayela uqakatheke kangaka esiHlopheni esiBusako?

• Kubayini kutlhogeka “inceku ethembekileko nehlakaniphileko” bona ihlele umsebenzi wokutjhumayela ephasini loke?

5. Inceku ethembekileko inikela isinqophiso

IsiHlopha esiBusako sinqophisa amaKrestu ephasini loke. Siqunta njani bona sinqophiso esinjani ekufuze sisikhiphe? Tjheja bona isihlopha esibusako samaKrestu wekadeni sakwenza njani lokho. Funda izEnzo 15:1, 2, bese nicoca ngemibuzo le:

• Ngiyiphi indaba amaKrestu wekadeni aphikisana ngayo?

• UPowula, uBharinabhasi nabanye baya kubani bona bafumane isinqophiso?

Funda izEnzo 15:12-18, 23-29, bese nicoca ngombuzo lo:

• Ngaphambi kokobana sithathe isiqunto, khuyini isihlopha esibusako sekadeni esayicabangela nasifuna isinqophiso sakaZimu malungana nendaba le?—Qala amavesi 12, 15 no-28.

Funda izEnzo 15:30, 31 no-16:4, 5, bese nicoca ngemibuzo le:

• AmaKrestu wekadeni enzani nawafumana isinqophiso esivela esihlopheni esibusako?

• UJehova wababusisa njani ngokulalela kwabo?

Funda yesi-2 kaThimothi 3:16 noJakopo 1:5, bese nicoca ngombuzo lo:

• IsiHlopha esiBusako sisifuna kuphi isinqophiso nasenza iinqunto namhlanjesi?

ISIRHUNYEZO

IsiHlopha esiBusako ‘yinceku ethembekileko nehlakaniphileko’ ekhethwe nguKrestu. Sinikela amaKrestu ephasini loke isinqophiso nezinto eziwatjhideza kuZimu.

Buyekeza

• Ngubani okhethe “inceku ethembekileko nehlakaniphileko”?

• IsiHlopha esiBusako sisitlhogomela njani?

• Uyakholwa na ukuthi isiHlopha esiBusako ‘siyinceku ethembekileko nehlakaniphileko’?

HLOLA OKUNGENZASI

Qala indlela isiHlopha esiBusako esihlela ngayo umsebenzaso.

“Sibobani IsiHlopha EsiBusako saboFakazi BakaJehova?” (Isihloko esiku-jw.org)

Amalunga wesiHlopha esiBusako azizwa njani ngomsebenzi uJesu awanikele wona?

Ilungelo Eliligugu (7:04)

Iimfundo nemihlanganwethu zitjengisa njani bona nguJehova onqophisa isiHlopha esiBusako?

UJehova Ufundisa Abantu Bakhe (9:39)