ISIHLOKO ESINGAPHANDLE: LOKHO ESIKUFUNDA KUMOSISI
BekaNgubani uMosisi?
Khuyini efika engqondweni newuzwa ibizo elithi Mosisi? Ucabanga . . .
ngomntwana ummakhe amfihla emantjini eMlanjeni iNayili?
umsana owakhuliswa yindodakazi kaFaro afumana koke akufunako eGibhida—nokho ongazange akhohlwe bona mIsrayeli?
indoda eyaphila njengomalusi kwaMidiyani iminyaka ema-40?
indoda eyakhuluma noJehovaa phambi komuthi ovuthako?
indoda eyajamelana nekosi yeGibhida, ngesibindi iyibawa bona itjhaphulule ama-Israyeli ebugqilini?
indoda eyathi ngesinqophiso sakaZimu—yamemezela iiMbetho eziliTjhumi ezizokwehlela iGibhida lokha ikosi yakhona neyidelela uZimu weqiniso?
indoda eyarhola ama-Israyeli ekufudukeni okukhulu aphuma eGibhida?
indoda eyasetjenziswa ukuhlukanisa iLwandle Elibomvu?
indoda eyanikela ama-Israyeli iMithetho Elitjhumi evela kuZimu?
UMOSISI wazenza zoke iintwezo begodu nokunengi. Akurari bona indoda ethembekileko le ihlonitjhwa khulu maKrestu, maJuda namaMuslim!
Ngaphandle kokuzaza, uMosisi bekamporofidi owatjengisa “izenzo ezikulu.” (Deuteronomy 34:10-12) Wavumela uZimu bona amsebenzise ngendlela ekulu khulu. Nokho, uMosisi bekamumuntu ofana nathi. Njengomporofidi u-Elija, owavela hlanu kwakaMosisi embonweni kaJesu ngesikhathi sekonzwakhe yephasini, uMosisi bekamumuntu “ofana nathi.” (Jak. 5:17; Mat. 17:1-9) UMosisi waqalana nemiraro eminengi nathi esiqalana nayo, begodu wayihlula ngokuphumelelako.
Ungakuthabela ukwazi bona wakwenza njani lokho? Cabangela iimfanelo eentathu ezihle uMosisi azitjengisako begodu nalokho esingakufunda esibonelweni sakhe bekangubani-umosisi.
a UJehova libizo lakaZimu njengombana limbulwe eBhayibhilini.