Kansi chifunilo cha Mulungu n’chinji?

Mulungu ofuna kuti tizankhale mwamtendele komasoti otemwa m’paladaiso pano pa chalo mpaka kale-kale!

Payakine mungakonshe kuti, ‘Kansi vamene ivi n’vokwanishika?’ Baibolo yunena kuti Ufumu wa Mulungu niye ukuti ukakwanishe kuchita vamene ivi, soti chifunilo cha Mulungu n’chakuti ŵanthu onse aphunzile za Ufumu wamene uyu na cholinga chake kuli sewo.​—Salimo 37:11, 29; Yesaya 9:7.

Mulungu ofuna kuti vinthu vikotiyendela luweme.

Molingana na tata muweme ofuna kuti ŵana ŵake akonkhala luweme. Nawo Atata ŵasu ŵa kululu ofuna kuti tikonkhala osangalala mpaka kalekale. (Yesaya 48:17, 18) Yove walonjeza kuti ŵala ‘ochita chifunilo cha Mulungu azankhale kosasila.’​—1 Yohane 2:17.

Mulungu ofuna kuti tikoyenda m’njila zake.

Baibolo yunena kuti Nyamalenga wasu ofuna “kutiphunzisa njila zake” kuti “tikoyenda m’njila” zamene izo. (Yesaya 2:2, 3) Yove wasankha “ŵanthu oziŵika na zina yake” kuti alalikile za chifunilo chake pachalo chonse.​—Machitidwe 15:14.

Mulungu ofuna kuti tikomulambila mokatijana.

Wanthu olambila Yehova okondana ngako soti okatijana m’malo mogaŵanikana. (Yohane 13:35) Kansi masiku ŵano niŵani ophunzisa analume na anakazi kulikonse mwangatumikilile Mulungu mokatijana? Welengani kabuku kano kuti muziŵe.