“Chalo chonse chepitilija kunkhala na chilaŵilo chimozi”

11:1-4, 6-9

Pa nsanja ya Babele, Yehova emwaja ŵanthu osamvwila malamulo ŵake posokoneza chilaŵilo chawo. Masiku ŵano Yehova owunganija pamo gulu ikulu ya ŵanthu amitundu yonse na avilaŵilo vonse. Yove opasa ŵanthu amene aŵa “chilaŵilo chimo chituŵa’’ kuti ove “akoita pazina ya Yehova, na cholinga chakuti akomutumikila mokatijana’’. (Zef 3:9; Chv 7:9) Chilaŵilo chituŵa chamene ichi, ni choonadi chokhuza Yehova na cholinga chake chatufwana m’Baibolo.

Kuphunzila chilaŵilo chinyowani kufuna vinthu vinyinji osati kungoloŵeza tyala mawu. Mufunika kuphunzila kuganiza njila ziyakine zanyowani. Mwa njila yamene iyi, kuti tiphunzile chilaŵilo chituŵa cha choonadi, tufunika kuchinja maganizo ŵasu. (Aro 12:2) Vamene ivi vuchitika lini lelo na lelo, koma tufunika kupitilija kuchinja. Tetyo gulu ya Mulungu izapitilije kukula nsiku na nsiku mokatijana.—1Ak 1:10.