Mwangatang’ishile ukwati wawo ŵanthu olungulana

Abulahamu na Sara ni chisanzo chiweme ngako cha mabanja chifukwa enzekondana komasoti enzelemekezana muyake na muyake. (Ge 12:11-13; 1Pe 3:6) Olo n’tetyo banja yawo yenze lini yangwilo, ove enzefunika kupilila viyeso pa moyo wawo. Kansi ŵanthu ali olungulana angaphunzilepo chinji pachisanzo cha Abulahamu na Sara?

Mukolaŵijana luweme muyake na muyake. Mukoyankha molichefya keno muyanu walaŵila mawu okalifya olo mawu aipa. (Ge 16:5, 6) Mukonkhala nthawe ikulu muli pamozi. Mawu na vochita vanu, vikowonesha chikondi chikulu kuli muyanu. Kupambana vonse, ikani Yehova pamalo oyamba m’banja mwanu pophunzila, popemphela na polambila muli pamozi. (Mla 4:12) Mabanja otang’a mwauzimu otamanda Yehova wamene Eyambisha makonzedwe aukwati.

LOLELANI VIDIYO YAKUTI ZIMENE MUNGACHITE KUTI MULIMBITSE CHIKONDI M’BANJA LANU, PAVULI PAKE YANKHANI MAKONSHO AŴA:

• Ku masoŵela, ni vinthu viyakine votyani venzewonesha kuti Shaan na Kiara enzetalamukana?

• Ndaŵa yanji kulaŵijana moona ntima komasoti momasuka nkofunika m’banja?

• Kansi chisanzo cha Abulahamu na Sara chiyavya tyani Shaan na Kiara?

• Kansi ni vinthu votyani vechichita Shaan na Kiara kuti atang’ishe ukwati wawo?

• Ndaŵa yanji Mwanalume na mwanakazi ofunika lini kuyembekezela vinthu viweme veka-veka m’banja mwawo?