Kansi nizaite ŵani?

Chaka chilichonse, tuchita khama poita ŵanthu a m’gawo yasu kuti tichite nawo pamozi mwambo wa Chikumbukilo. Koma m’malo moita tyala ŵanthu a m’gawo yasu, tufunika kuita soti ŵanthu ŵatuziŵa. Vunkhala vosavuta kuti munthu apezeke pa mwambo wokumbukila imfwa ya Yesu keno waitiwa na munthu wakuziŵa. (yb08-T pedji 11 ndim. 3; pedji 14 ndim. 1) Kansi ni ŵanthu ayakine soti otyani ŵamungaite?

• Enekwanu

• Ayanu aku ntchito olo aku sikulu

• Maneba ŵanu

• Ŵanthu ŵamuchita maulwendo oweleja komasoti maphunzilo ŵanu akale na alombapano

Kuchosapo amene aŵa, akulu angaitesoti ŵala efoka. Koma lomba tyani keno munthu wamuziŵa onkhala lini m’dela yanu? Kuti mufwane malo na nthawe kwati ukachitikile Mwambo wamene uyu tinyani batani yakuti ZA SEWO, palulu pa pedji yoyamba pa jw.org, pa mbali yakuti “Chikumbukilo”. Pokonzekela chikumbukilo cha chaka chino, ganizilani za ŵanthu ŵamungaite, pavuli pake aiteni aliyense payeka-payeka.