MOYO WASU WA CHIKHILISITU
Kansi mwewo mungaphunzile chinji kuli Akhilisitu atumikila Yehova kwa vyaka vinyinji?
M’mipingo yasu muli abale na alongo amene atumikila Yehova kwa vyaka vinyinji. Chidalilo chali nacho mwa Yehova chingatiphunzise vinthu vinyinji. Tingaŵakonshe za vinthu vokhuza mbili ya gulu ya Yehova, mavuto ŵechikumana nawo komasoti mwechiŵayavyila Yehova kuti akwanishe kulimbana na mavuto amene awo. Tingaiteko m’bale amene watumikila Yehova kwa vyaka vinyinji kuti tizankhale naye pa Kulambila kwa Pabanja ndipo tingamusenge kuti afotokoze vinthu viyakine vawakumana navo potumikila Yehova.
Keno mwewo nimwe mmozi mwa Akhilisitu amene atumikila Yehova kwa nthawe itali, osaleka kufotokoza za chikhulupililo chanu kuli Akhilisitu achilumbwana amu mpingo mwanu. Yakobo na Yosefe efotokozela ŵana ŵawo vinthu vechikumana navo. (Ge 48:21, 22; 50:24, 25) Yehova enzeyembekezela kuti mitu ya mabanja a Isiraeli wakale ikophunzisa ŵana ŵawo za vinthu vikulu venze echitako kale yove. (De 4:9, 10; Sl 78:4-7) Masiku ŵano makolo komasoti ŵanthu ayakine mu mpingo angafotokozele ŵala ayamba kwalombapano za vinthu vonse vawona vamene Yehova vawachitila gulu yake.
LOLELANI VIDIYO YAKUTI KUKHALABE OGWIRIZANA PANTHAWI IMENE NTCHITO YATHU INALI YOLETSEDWA, PAVULI PAKE YANKHANI MAKONSHO AŴA:
Kansi ofesi ya nthambi yaku Austria iyavya tyani enekwasu a m’vyalo viyakine kwamene ntchito yasu yenze yoleshewa?
Kansi abale a m’vyalo vamene ivi echita chinji kuti atang’ishe chikhulupililo chawo?
Ndaŵa yanji ofalisa anyinji aku Romania enze epatukana na gulu ya Yehova, ndipo ejokela tyani?
Kansi vochitika vamene ivi vutang’isha tyani chikhulupililo chanu?