Tamandani Yehova potumikila monga mpainiya

Aisiraeli enze na vifukwa vinyinji vomutamandila Yehova. Yehova efumya Aisiraeli ku Iguputo ndipo eŵapulumusa ku gulu ya khondo ya Farao! (Eks 15:1, 2) Yehova opitilija kuwonesha kuwama ntima ku ŵanthu ŵake. Kansi tingawoneshe tyani kuti tutembeja pa vinthu vonse vakutichitila Yehova?​—Sl 116:12.

Njila imozi yatingawoneshele kutembeja kwasu ni kutumikila monga mpainiya wothandiza olo wonkhazikika. Keno mungapemphele kwa Yehova, yove angakupaseni chifuno komasoti mphamvu kuti mutumikile monga mpainiya. (Afi 2:13) Anyinji oyamba kutumikila monga apainiya othandiza. Mwachisanzo, mungasankhe keno mungachite maola 30 olo 50 pa mwezi wa March na April olo pa mwezi wati azanyungile mpingo wanu wopanamila dela. Pavuli pakuti mwachita upainiya wothandiza nowona chisangalalo chamungankhale nacho, pasogolo pake mungafune kutumikila monga mpainiya wonkhazikika. Abale ayakine amene okata ntchito nthawe zonse olo ŵala aliye thanzi iweme, angakwanishe kuchita upainiya wonkhazikika. (mwb16.07-CN pedji 8) Kulaŵila chendi, Yehova oyavya kuyeja-yeja kwasu kwatuchita kuti timutamande!​—1Mb 16:25.

LOLELANI VIDIYO YAKUTI ALONGO ATATU APACHIBALE A KU MONGOLIYA, NDIPO PAVULI PAKE YANKHANI MAKONSHO AŴA:

• Kansi alongo atatu amene aŵa elimbana na mavuto otyani kuti atumikile monga apainiya onkhazikika?

• Kansi ove efwana madaliso otyani?

• Kansi kutumikila monga apainiya onkhazikika kwiŵapasa mwayi wochita chinji?

• Kansi chisanzo chawo chikhuza tyani ŵanthu ayakine?