Kuyangijila Luso Yasu Mu Utumiki​—Polalikila kupitila pa kamela olo pa intakomu

CHIFUKWA CHAKE KULI KOFUNIKA: Chifukwa cha kuipa kwa vinthu ŵano masiku komasoti chiwawa, ŵanthu anyinji mmang’anda mwawo munkhala makamela na ma intakomu chifukwa ochita wowa na kuiŵiliwa, komasoti ochita wowa kunyungiliwa na ŵanthu ŵasaziŵa. Payakine tingachite wowa kulalikila uthenga uweme kuli munthu muyakine kupitila pa kamela olo pa intakomu wamene tukwanisha kuwonana naye kapena kumvwana tyala mawu. Malangizo aŵa ali m’nyansi atiyavye kuti tikonkhala otang’a ntima polalikila pokatishila ntchito makamela a ng’anda komasoti intakomu.

VAMUNGACHITE:

• Nkhalani na maganizo aweme. Mukoziŵa kuti ŵanthu anyinji amene ali na makamela olo intakomu ofunishisha ngako kutandala namwe.

• Mukokumbukila kuti munecho wa ng’anda ofunishisha kukuwonani pa kamela olo kukumvwani pa intakomu mwewo mukaliyeloŵa ng’anda.

• Keno munecho wa ng’anda wakuyankhani pa kamela olo pa intakomu mukolaŵila naye monga muwonana menso na menso, mukomwetulila komasoti mukolaŵila momasuka. Mukolaŵila vamwakonzekelelatu kuti mulaŵile naye ndipo vikonkhala monga muwonana naye menso na menso. Ngati pali kamela, osavwendela nayo pafupi ngako. Keno munecho wa ng’anda aliyeyankhe osasiya mesegi.

• Pavuli pakuti mwakambilana, kumbukilani kuti pamusilija kulaŵila munecho wa ng’anda payakine angapitilije kuganizila vinthu vamwalaŵila naye.