Kansi mwewo mungapeleke nthawe yanu komasoti mphamvu zanu?

Mokatijana na ulosi wechilosela Yesaya, mbali ya pachalo ya gulu ya Yehova yuyangijilika kupambana kale. (Yes 54:2) Vamene ivi vapangisha kuti pafunike Ng’anda za Ufumu zanyowani, Ng’anda zochitila Misonkhano komasoti maofesi a nthambi. Pavuli pakuti zamangiwa ng’anda zamene izi, zufunika kuwamyiwa komasoti ziyakine zufunikila kumangiwasoti. Kansi vamene ivi vutipasa mwayi wotyani wopeleka nthawe komasoti mphamvu zasu kwa Yehova?

• Keno kagulu kasu ka utumiki wakumunda kaikiwa pa m’ndandanda wakuti kakayelese pa Ng’anda ya Ufumu tufunika kupezekapo.

• Tingalipeleke kuti tiphunzisiwe mwatingakonzele Ng’anda yasu ya Ufumu.

• Tingalembe Fomu ya Wofuna Kutumikira Mongodzipeleka M’dipatimenti Yoona za Mapulani ndi Zomangamanga (DC-50) kuti tiyavye mwakanthawe pa ntchito yomanga na kuwamya Ng’anda za Ufumu kufupi na kwasu.

• Tingalembe Fomu ya Amene Akufuna Utumiki Wongodzipeleka (A-19) tingalipeleke kuti tiyavye kwa sondo imozi olo kupitilila m’dela ya nthambi yasu, pa Beteli olo pa malo ayakine okatishiliwa ntchito na ofesi ya nthambi.

LOLELANI VIDIYO YAKUTI TIKUKONZA NTCHITO INA YATSOPANO YOMANGA​—MBALI INA YA VIDIYOYI, NDIPO PAVULI PAKE YANKHANI MAKONSHO AŴA:

• Kansi nkhani yokatishila ntchito mavidiyo yakula tyani kuyambila mu 2014?

• Chifukwa cha kukula kwa ntchito yokonza mavidiyo, kansi ntchito yomanga izayambe nthawe yanji ndipo izasile nthawe yanji?

• Kansi a ntchito olipeleka angayavye tyani pa ntchito yamene iyi?

• Keno tufuna kuyavya pa ntchito yomanga ku Ramapo, tyani osakonza zakuti tilembe fomu ya (DC-50) kuti tiyavye pa ntchito ya zomanga-manga pafupi na kwasu?

• Kansi ni maumboni otyani alipo owonesha kuti Yehova osogolela pa ntchito yamene iyi?

• Kansi tingayavye tyani pa ntchito yamene iyi olo kuti tingakwanishelini kuluta kuyekata nawo ntchito yomanga?