CHUMA CHUPEZEKA M’MAWU A MULUNGU | EKISODO 35-36

Nkhalani okonzeka kukata ntchito ya Yehova

35:25, 26, 30-35; 36:1, 2

Mzimu wa Yehova wiyavya Bezaleli na Oholiabu kuti akwanilishe mapulano onse a ntchito za pa chihema. Mphamvu ya mzimu utuŵa wa Yehova yupezekasoti muli atumiki ŵake masiku ŵano. Kansi tingapindule tyani na mzimu wamene uyu?

Tufunika kupemphela nosenga kuti mzimu utuŵa utiyavye kuyangijila luso yatili nayo potumikila Yehova.
Tufunika tikophunzila mwakhama Mawu owujiliwa a Mulungu.
Tufunika kuikilapo ntima ngako pa ntchito iliyonse yatingapasiwe.

Vithunzi-thunzi: A mboni za Yehova okata ntchito zinyinji za gulu. 1. Alongo oyavya pa ntchito yomanga. 2. M’bale okonzekela kuti achitishe phunzilo ya Nsanja ya Mulonda. 3. M’bale olalikila munecho wa shopu, pamene muyake ololeshesha ŵanthu oshusha amene akana kulalikiliwa . 4. Banja iyakine yuchita Sikulu ya Akhilisitu Olalikila za Ufumu.

Kansi ni ntchito zotyani za Yehova zaningakonzekele?