Ntchito yapadela mmwezi wa November yolengeza Ufumu wa Mulungu

Yesu elengeza “uthenga uweme wa Ufumu wa Mulungu.” (Lu 4:43) Yove ephunzisa ŵanthu kuti akopemphelela Ufumu wamene uyu. (Mt 6:9, 10) Kuyambila mwezi wa November tizankhale na ntchito ikulu yapadela yowuja ŵanthu zokhuza Ufumu wa Mulungu. (Mt 24:14) Konzani ndandanda yanu kuti muzankhale na nthawe ikulu yokata ntchito yamene iyi. Onse ŵala ochita upainiya wothandiza angazesankha kupeleka maola 30 olo 50 pa mwezi wamene uyu.

Katishilani ntchito lemba yufotokoza za Ufumu wa Mulungu pofuna kuyavya ŵanthu anyinji m’gawo yanu keno vingakwanishike. Posankha lemba, mukoganizila chipembezo cha womvwishila wanu. Keno munthu muyakine waonesha chidwi pa ulwendo woyamba, mupaseni magazini ya Nsanja ya Mulonda ya N.° 2 2020. Pavuli pake chitani khama mofulumila, ndipo yejani kuyambisha phunzilo ya Baibolo pokatishila ntchito chimozi mwa vofalisa Vatukatishila ntchito pophunzisa. Lombapano Ufumu wa Mulungu uzawononge maboma onse oshusha ulamulilo wake. (Da 2:44; 1Ak 15:24, 25) Tetyo, tingakatishile ntchito ngako mwayi wamene uyu wapadela wowonesha kukhulupilika kwasu kwa Yehova naku Ufumu wake!