Gulu yolinganijiwa yamene yulalikila ŵanthu onse

Yehova elinganija gulu ya Isiraeli masiku akuvuli. Ndipo yove opitilija kulinganija gulu yake masiku ŵano. Chifukwa cha vamene ivi, sewo tukwanisha kuchita chifunilo chake. Pachalo chonse maofesi anthambi, madela, mipingo komasoti magulu a utumiki wa kumunda okata ntchito pamozi poyavya pa ntchito yolalikilila. Sewo tulalikila ŵanthu onse, kupamikijapo ŵanthu ayakine amene olaŵilia vilaŵilo viyakine.​—Chv 14:6, 7.

Kansi mweniganizilako kale zophunzila chilaŵilo chiyakine kuti muyavye ŵanthu ayakine kuti aphunzile choonadi? Keno mwewo muliye nthawe yophunzila chilaŵilo chiyakine tyani osakonza zakuti mukokatishila ntchito JW Language kuti muphunzile mwamungachitile ulaliki wachidule mu chilaŵilo chiyakine? Keno mwewo mukochita vamene ivi, munkhale na chisangalalo cholingana na cha akhilisitu a m’vyaka voyambilila pechilalikila ŵanthu a mitundu iyakine. Ŵanthu amene aŵa echita chidwi ngako pechimvwa “vinthu vikulu va Mulungu” mu vilaŵilo vawo.​—Mac 2:7-11.

LOLELANI VIDIYO YAKUTI KHALANI BWENZI LA YEHOVA​—MUZILALIKILA ANTHU A M’CHINENERO CHA DZIKO LINA, NDIPO PAVULI PAKE YANKHANI MAKONSHO AŴA:

• 

  Kansi ni panthawe yotyani pamungafunikile kukatishila ntchito pulogilamu ya JW Language?

• 

  Kansi mwewo mungwafwane chinji pa pulogilamu yamene iyi?

• 

  Kansi mugawo yanu ni vilaŵilo votyani vakulaŵilasoti ŵanthu?

• Kansi mungachite chinji keno mwafwana munthu wachidwi mu utumiki wamene olaŵila chilaŵilo chiyakine?​—od-CN pedji 101 ndim. 39-41