MOYO WASU WACHIKHILISITU
Kansi mwewo muyeja kuwona mwakuyankhila Yehova mapemphelo ŵanu?
Baibolo ili na visanzo vinyinji va mapemphelo amene eyankhiwa na Yehova. Atumiki a Mulungu pechiwona kuti Yehova akumvwa mavuto ŵawo aliyense payeka-payeka komasoti kuŵayavya, tukaikilalini olo patontho kuti chikhulupililo chawo chinkhala chotang’a ngakosoti. Tetyo, vingankhale luweme kuli sewo kuti m’mapemphelo ŵasu a paseka tikotomolelatu vinthu ngavo-ngavo vatufuna osapita mmbali pavuli pake noyeja kuganizila yankho ya Yehova. Kumbukilani kuti yankho payakine ingawele mosiyana olo kupitilila pali vala vatasenga. (2Ak 12:7-9; Aef 3:20) Kansi Yehova angatipase chinji monga yankho pali vala vatamusenga?
Mphamvu mwakuthupi, ntima wodekha, olo chikhulupililo na cholinga chakuti tikwanishe kulimbana na vuto yatakumana nayo.—Afi 4:13
Nzelu zakuti tichite chosankha chiweme.—Yak 1:5
Chifuno komasoti mphamvu zakuti tichitepo kanthu.—Afi 2:13
Ntima wodekha keno tili na nkhaŵa.—Afi 4:6, 7
Ayasu amene otiyavya potipasa vinthu vatufunikila, olo kutitonthoja na kutitang’isha.—1Yo 3:17, 18
LOLELANI VIDIYO YAKUTI, YEHOVA NDI ‘WAKUMVA PEMPHERO,’ PAVULI PAKE YANKHANI MAKONSHO AŴA:
Kansi chisanzo cha m’bale Shimizu chingatitang’ishe tyani keno tukwanishalini kuchita vinyinji monga ni mwetenzefunila chifukwa cha matenda?
Kansi sewo tingakonkheje tyani chisanzo cha m’bale Shimizu?